У вёсцы Толкава, дзе настаўнічала памерлая ад сьвінога грыпу жанчына, даўно зачынены фэльчарска-акушэрскі пункт і няма да каго зьвярнуцца па першасную мэдычную дапамогу. Дачку памерлай настаўніцы выпісалі з Драгічынскага шпіталю.
Сёньня, калі яшчэ не былі агучаныя вынікі аналізаў у Берасьці,
“Свабодзе” ўдалося пагутарыць з 13-гадовай Ірынай — дачкой настаўніцы, якая памерла ў мінулую пятніцу.
Нагадаю, 37-гадовая жанчына працавала настаўніцай у вясковай базавай школе. Захварэла пасьля паездкі ва Ўкраіну. А наведвалася ў суседнюю краіну, каб купіць там таньнейшыя, чым у Беларусі, харчы.
У гутарцы дачка Ірына паведаміла нашаму радыё:
“Я цяпер ужо дома. А калі вам гаварылі, што я ў рэанімацыі, то гэта няпраўда. У мяне была звычайная прастуда. Але мяне вылечылі, і ўсё. Я вось толькі вярнулася дахаты”.
Ірына ўдакладняе, што ў лякарню ў Драгічыне трапіла разам з маці:
“У мамы бралі аналізы і ў мяне… Урачы спасылаюцца, што яна нібыта своечасова не лячылася...”
Я ня мог не пацікавіцца ў сіраты (бо ў Ірыны на сёньня з родных засталася толькі бабуля) пра апеку з боку мэдыкаў, псыхолягаў й настаўнікаў. Дзяўчынка ж узгадала толькі пра грошы.
“Давалі грошыкі... Гэта — было”.
Панікі ў вёсцы пакуль няма
Як у вёсцы Толкава, дзе настаўнічала памерлая ад сьвінога грыпу жанчына, рэагуюць людзі на грып і яго трагічны вынік? Фэльчарска-акушэрскі пункт (ФАП) у тамтэйшым аграгарадку ўжо даўно зачынены.
“У нас няма фэльчара, і таму сюды штотыдзень у чацьвер прыяжджае ўрач-тэрапэўт з Антопальскай паліклінікі. Прыяжджае і дзіцячы ўрач, а таксама, пры патрэбе, і іншыя”, -- расказвае тамтэйшая жыхарка спадарыня Алёна.
Пытаюся ў суразмоўцы: ці ня выклікала ў вёсцы паніку сьмерць маладой жанчыны, калі й зараз ФАП зачынены і няма да каго зьвярнуцца нават па першасную дапамогу?
“Калі б тут у нас на месцы быў фэльчар, то можа... Але што той фэльчар?! Ёсьць пытаньні. Людзей не прымусіш зачыніць рот, калі яны кажуць і тое, і другое... Але панікі няма, што, маўляў, усё тут дрэнна. Хто больш-менш адукаваны, то разумеюць самі, што меры засьцярогі трэба выконваць асабіста”.
На Берасьцейшчыне ў сувязі з пагрозай сьвінога грыпу зачынены на карантын усе школы. Паводле дадзеных кіраўніка рэгіянальнага прадстаўніцтва РУП “Фармацыя” Вячаслава Гніцыя, попыт на прафіляктычныя лекі павялічыўся больш як у 10 разоў.
Сёньня, калі яшчэ не былі агучаныя вынікі аналізаў у Берасьці,
“Свабодзе” ўдалося пагутарыць з 13-гадовай Ірынай — дачкой настаўніцы, якая памерла ў мінулую пятніцу.
Нагадаю, 37-гадовая жанчына працавала настаўніцай у вясковай базавай школе. Захварэла пасьля паездкі ва Ўкраіну. А наведвалася ў суседнюю краіну, каб купіць там таньнейшыя, чым у Беларусі, харчы.
У гутарцы дачка Ірына паведаміла нашаму радыё:
“Я цяпер ужо дома. А калі вам гаварылі, што я ў рэанімацыі, то гэта няпраўда. У мяне была звычайная прастуда. Але мяне вылечылі, і ўсё. Я вось толькі вярнулася дахаты”.
Ірына ўдакладняе, што ў лякарню ў Драгічыне трапіла разам з маці:
“У мамы бралі аналізы і ў мяне… Урачы спасылаюцца, што яна нібыта своечасова не лячылася...”
Я ня мог не пацікавіцца ў сіраты (бо ў Ірыны на сёньня з родных засталася толькі бабуля) пра апеку з боку мэдыкаў, псыхолягаў й настаўнікаў. Дзяўчынка ж узгадала толькі пра грошы.
“Давалі грошыкі... Гэта — было”.
Панікі ў вёсцы пакуль няма
Як у вёсцы Толкава, дзе настаўнічала памерлая ад сьвінога грыпу жанчына, рэагуюць людзі на грып і яго трагічны вынік? Фэльчарска-акушэрскі пункт (ФАП) у тамтэйшым аграгарадку ўжо даўно зачынены.
“У нас няма фэльчара, і таму сюды штотыдзень у чацьвер прыяжджае ўрач-тэрапэўт з Антопальскай паліклінікі. Прыяжджае і дзіцячы ўрач, а таксама, пры патрэбе, і іншыя”, -- расказвае тамтэйшая жыхарка спадарыня Алёна.
Пытаюся ў суразмоўцы: ці ня выклікала ў вёсцы паніку сьмерць маладой жанчыны, калі й зараз ФАП зачынены і няма да каго зьвярнуцца нават па першасную дапамогу?
“Калі б тут у нас на месцы быў фэльчар, то можа... Але што той фэльчар?! Ёсьць пытаньні. Людзей не прымусіш зачыніць рот, калі яны кажуць і тое, і другое... Але панікі няма, што, маўляў, усё тут дрэнна. Хто больш-менш адукаваны, то разумеюць самі, што меры засьцярогі трэба выконваць асабіста”.
На Берасьцейшчыне ў сувязі з пагрозай сьвінога грыпу зачынены на карантын усе школы. Паводле дадзеных кіраўніка рэгіянальнага прадстаўніцтва РУП “Фармацыя” Вячаслава Гніцыя, попыт на прафіляктычныя лекі павялічыўся больш як у 10 разоў.
