Старшыня АГП Анатоль Лябедзька заявіў, што тое, што адбываецца цягам апошніх двух дзён, — гэта хоць і невялікая, але перамога апазыцыі.
“АГП і Нацыянальны камітэт, якія я ачольваю, прыкладалі шмат намаганьняў для таго, каб арганізаваць унутрыпалітычную дыскусію па гэтым пытаньні і зрабіць усё магчымае, каб гэтая праблема стала пунктам міжнароднага парадку дня, які выпрацоўвае Брусэль па Беларусі. Як мінімум, мы вітаем тую дыскусію, якая пачалася. Я нагадаю, што мы выпрацавалі сваю пазыцыю яшчэ напрыканцы мінулага году. Яна была перададзена і ў БДІПЧ, які, як лічылася, вядзе дыялёг зь беларускімі ўладамі, і ў адміністрацыю Лукашэнкі. І сем рэкамэндацый, выпрацаваных БДІПЧ, у значнай ступені ўлічваюць прапановы апазыцыі.
Што тычыцца заяваў, то да іх трэба ставіцца як да словаў, можа — як да элемэнта піяру. Хаця трэба вітаць, што такія словы ёсьць і такая дыскусія пачатая. Завершанымі фразамі будзем гаварыць толькі пасьля таго, як у нас на стале будзе ляжаць праект закону, які перададзены ў Палату. А ўжо самыя апошнія ацэнкі трэба даваць таму, што будзе прынята. Бо тое, што сёньня анансуецца і што атрымаецца на выхадзе беларускага канвэера, можа нагадваць адэскую сытуацыю: адно і другое — дзьве вялікія розьніцы.
Што да тых заяваў, якія прагучалі, то, на жаль, яны не даюць адказу на найгалоўнейшыя пытаньні. Усё ж такі ці будзе забясьпечаны празрысты падлік галасоў і ці будуць уключаны прадстаўнікі апазыцыі ў выбарчыя камісіі? Плюс я дадаў бы яшчэ і ліквідацыю альбо вельмі жорсткую рэглямэнтацыю датэрміновага галасаваньня. На гэта пакуль адказу няма. А ўсё астатняе, што тычыцца магчымасьці вылучаць кандыдатаў незалежна ад таго, зарэгістравана на тэрыторыі выбарчай акругі партыйная структура ці не, — гэта мы вітаем. Тое, што будуць арганізаваны нейкія дэбаты і што мы адыдзем ад сытуацыі “гаваркой галавы” на тэлебачаньні, гэта таксама можна вітаць, як і шэраг іншых заяваў”.
“АГП і Нацыянальны камітэт, якія я ачольваю, прыкладалі шмат намаганьняў для таго, каб арганізаваць унутрыпалітычную дыскусію па гэтым пытаньні і зрабіць усё магчымае, каб гэтая праблема стала пунктам міжнароднага парадку дня, які выпрацоўвае Брусэль па Беларусі. Як мінімум, мы вітаем тую дыскусію, якая пачалася. Я нагадаю, што мы выпрацавалі сваю пазыцыю яшчэ напрыканцы мінулага году. Яна была перададзена і ў БДІПЧ, які, як лічылася, вядзе дыялёг зь беларускімі ўладамі, і ў адміністрацыю Лукашэнкі. І сем рэкамэндацый, выпрацаваных БДІПЧ, у значнай ступені ўлічваюць прапановы апазыцыі.
Што тычыцца заяваў, то да іх трэба ставіцца як да словаў, можа — як да элемэнта піяру. Хаця трэба вітаць, што такія словы ёсьць і такая дыскусія пачатая. Завершанымі фразамі будзем гаварыць толькі пасьля таго, як у нас на стале будзе ляжаць праект закону, які перададзены ў Палату. А ўжо самыя апошнія ацэнкі трэба даваць таму, што будзе прынята. Бо тое, што сёньня анансуецца і што атрымаецца на выхадзе беларускага канвэера, можа нагадваць адэскую сытуацыю: адно і другое — дзьве вялікія розьніцы.
Што да тых заяваў, якія прагучалі, то, на жаль, яны не даюць адказу на найгалоўнейшыя пытаньні. Усё ж такі ці будзе забясьпечаны празрысты падлік галасоў і ці будуць уключаны прадстаўнікі апазыцыі ў выбарчыя камісіі? Плюс я дадаў бы яшчэ і ліквідацыю альбо вельмі жорсткую рэглямэнтацыю датэрміновага галасаваньня. На гэта пакуль адказу няма. А ўсё астатняе, што тычыцца магчымасьці вылучаць кандыдатаў незалежна ад таго, зарэгістравана на тэрыторыі выбарчай акругі партыйная структура ці не, — гэта мы вітаем. Тое, што будуць арганізаваны нейкія дэбаты і што мы адыдзем ад сытуацыі “гаваркой галавы” на тэлебачаньні, гэта таксама можна вітаць, як і шэраг іншых заяваў”.
