Лукашэнка назваў выхад Грузіі з СНД памылкай грузінскага кіраўніцтва. Ён выказаў шкадаваньне з прычыны гэтага рашэньня, і выказаў спадзяваньне, што “пройдзе час, загояцца раны, і Грузія вернецца ў СНД”. Паводле Лукашэнкі, гэта “фармальны выхад”, бо прэзыдэнт Саакашвілі заявіў, што Грузія будзе працягваць выконваць шэраг абавязкаў па дамоўленасьцях, якія былі дасягнутыя ў межах СНД.
Прэзыдэнт Беларусі паведаміў, што на наступным тыдні мяркуе сустрэцца з расейскім прэзыдэнтам Дзьмітрыем Мядзведзевым у Сочы. Лукашэнка сказаў, што сустрэчу прапанаваў Мядзьведзеў падчас нядаўняга нефармальнага саміту АДКБ у Кіргізстане.
“Мы абмяркуем увесь комплекс пытаньняў, якія не вырашаюцца”, – сказаў беларускі кіраўнік. Ён выказаў пажаданьне, каб дамоўленасьці на вышэйшым узроўні выконваліся, а не блякаваліся на ніжэйшых паверхах улады.
“Тады ня будзе інсынуацыяў, куды пайшоў Лукашэнка”, – падкрэсьліў кіраўнік Беларусі.
Ён станоўча ацаніў дыялёг з Захадам, але заявіў: «Калі нехта на Захадзе думае, што ў нас з Расеяй папсаваліся адносіны і мы Лукашэнку падкруцім, і ён усіх злачынцаў з турмаў павыпускае, зламае заканадаўства, то яны памыляюцца».
Нагадаем, што нядаўна памочнік дзяржсакратара ЗША Філіп Гордан падчас візыту ў Менск заявіў, што Злучаныя Штаты не мяняюць свае падыходы да Беларусі і настойваюць на вызваленьні палітычных зьняволеных.
“У нас добрыя адносіны з Расеяй, выдатныя ў нас з Расеяй адносіны. У нас ёсьць праблемы – гэта так. Але хто нічога ня робіць, у таго праблемаў няма”, - патлумачыў Лукашэнка.
Ён таксама сказаў, што «калі на Захадзе разьлічваюць, што шляхам махінацыяў можна забраць уладу ў цяперашняй улады і перадаць яе апазыцыі, то нічога не атрымаецца». «Я хачу, каб эўрапейцы вялі шчыры дыялёг і не спрабавалі нас праз калена сагнуць. Мы ўсё роўна выжывем. У зямлянкі пойдзем, але сувэрэнітэт і нармальнае жыцьцё людзям забясьпечым», - заявіў Лукашэнка.
Прэзыдэнт Беларусі паведаміў, што на наступным тыдні мяркуе сустрэцца з расейскім прэзыдэнтам Дзьмітрыем Мядзведзевым у Сочы. Лукашэнка сказаў, што сустрэчу прапанаваў Мядзьведзеў падчас нядаўняга нефармальнага саміту АДКБ у Кіргізстане.
“Мы абмяркуем увесь комплекс пытаньняў, якія не вырашаюцца”, – сказаў беларускі кіраўнік. Ён выказаў пажаданьне, каб дамоўленасьці на вышэйшым узроўні выконваліся, а не блякаваліся на ніжэйшых паверхах улады.
“Тады ня будзе інсынуацыяў, куды пайшоў Лукашэнка”, – падкрэсьліў кіраўнік Беларусі.
Ён станоўча ацаніў дыялёг з Захадам, але заявіў: «Калі нехта на Захадзе думае, што ў нас з Расеяй папсаваліся адносіны і мы Лукашэнку падкруцім, і ён усіх злачынцаў з турмаў павыпускае, зламае заканадаўства, то яны памыляюцца».
Нагадаем, што нядаўна памочнік дзяржсакратара ЗША Філіп Гордан падчас візыту ў Менск заявіў, што Злучаныя Штаты не мяняюць свае падыходы да Беларусі і настойваюць на вызваленьні палітычных зьняволеных.
“У нас добрыя адносіны з Расеяй, выдатныя ў нас з Расеяй адносіны. У нас ёсьць праблемы – гэта так. Але хто нічога ня робіць, у таго праблемаў няма”, - патлумачыў Лукашэнка.
Ён таксама сказаў, што «калі на Захадзе разьлічваюць, што шляхам махінацыяў можна забраць уладу ў цяперашняй улады і перадаць яе апазыцыі, то нічога не атрымаецца». «Я хачу, каб эўрапейцы вялі шчыры дыялёг і не спрабавалі нас праз калена сагнуць. Мы ўсё роўна выжывем. У зямлянкі пойдзем, але сувэрэнітэт і нармальнае жыцьцё людзям забясьпечым», - заявіў Лукашэнка.
