Памочнік Дзяржсакратара ЗША па пытаньнях Эўропы і Эўразіі Філіп Гордан таксама правядзе перамовы з прадстаўнікамі Міністэрства замежных справаў Беларусі.
Гордан наведае Беларусь 14 жніўня.
У траўні 2009 году Сэнат зацьвердзіў Філіпа Гордана на пасадзе памочніка дзяржсакратара ў справах Эўропы і Эўразіі. З 2000 па 2009 год Філіп працаваў старшым дасьледчыкам у дасьледным цэнтры Брукінгз. Да гэтага быў кіраўніком дэпартамэнту эўрапейскіх справаў ў Радзе бясьпекі ў адміністрацыі прэзыдэнта Біла Клінтана. Раней Філіп Гордан працаваў у дасьледных цэнтрах – Міжнародны інстытут стратэгічных дасьледваньняў (Велікабрытанія), Унівэрсытэт Джона Гопкінса (ЗША), Інстытут бізнэс-адміністраваньня (Францыя –Сінгапур), Нямецкае таварыства зьнешняй палітыкі. Гаворыць на францускай, нямецкай, італьянскай мовах. Аўтар шэрагу кніг і артыкулаў па пытаньнях міжнародных адносінаў і зьнешняй палітыкі, публікаваўся ў New York Times, Washington Post, International Herald Tribune і Financial Times.
30 чэрвеня Аляксандар Лукашэнка сустракаўся з амэрыканскімі кангрэсмэнамі: старшынём Хэльсінскай камісіі Кангрэсу Бэнджамінам Кардэнам, сэнатарамі Крысам Сьмітам і Дзікам Дэрбіным.
У той жа дзень, 30 чэрвеня, амэрыканскага адваката Эмануіла Зэльцэра вызвалілі з папраўчай калёніі Магілёва на падставе ўказу Лукашэнкі пра памілаваньне.
***
12 чэрвеня Прэзыдэнт ЗША Барак Абама на год прадоўжыў дзеяньне ўказа пра арышт уласнасьці “шэрагу асобаў, якія падрываюць дэмакратычныя працэсы ў Беларусі”, што знаходзіцца на тэрыторыі або пад юрысдыкцыяй ЗША.
Дачыненьні з ЗША былі сапсаваныя яшчэ ў сярэдзіне 90-х гадоў. А ўвядзеньне санкцый супраць канцэрну “Белнафтахім” на пачатку 2008 году прывяло да дыпляматычнага канфлікту. Амбасадарка ЗША Карэн Ст’юарт вымушана была пакінуць Беларусь, а склад амбасады значна зьменшыўся. Амэрыканскі бок увёў санкцыі, патрабуючы вызваленьня палітвязьняў. Пасьля таго як апошні палітвязень зь міжнародна прызнанага сьпісу выйшаў на волю, ЗША адмянілі санкцыі супраць двух беларускіх прадпрыемстваў.
Гордан наведае Беларусь 14 жніўня.
Філіп Гордан
30 чэрвеня Аляксандар Лукашэнка сустракаўся з амэрыканскімі кангрэсмэнамі: старшынём Хэльсінскай камісіі Кангрэсу Бэнджамінам Кардэнам, сэнатарамі Крысам Сьмітам і Дзікам Дэрбіным.
У той жа дзень, 30 чэрвеня, амэрыканскага адваката Эмануіла Зэльцэра вызвалілі з папраўчай калёніі Магілёва на падставе ўказу Лукашэнкі пра памілаваньне.
***
12 чэрвеня Прэзыдэнт ЗША Барак Абама на год прадоўжыў дзеяньне ўказа пра арышт уласнасьці “шэрагу асобаў, якія падрываюць дэмакратычныя працэсы ў Беларусі”, што знаходзіцца на тэрыторыі або пад юрысдыкцыяй ЗША.
Дачыненьні з ЗША былі сапсаваныя яшчэ ў сярэдзіне 90-х гадоў. А ўвядзеньне санкцый супраць канцэрну “Белнафтахім” на пачатку 2008 году прывяло да дыпляматычнага канфлікту. Амбасадарка ЗША Карэн Ст’юарт вымушана была пакінуць Беларусь, а склад амбасады значна зьменшыўся. Амэрыканскі бок увёў санкцыі, патрабуючы вызваленьня палітвязьняў. Пасьля таго як апошні палітвязень зь міжнародна прызнанага сьпісу выйшаў на волю, ЗША адмянілі санкцыі супраць двух беларускіх прадпрыемстваў.
