Менск – Варшава! Супольная справа!
У Варшаве таксама сьвяткуюць Дзень Волі. 25 сакавіка палякі пашылі вялікі, бела-чырвона-белы сьцяг Беларусі.
Шыцьцё адбывалася на вуліцы, у самым цэнтры гораду, побач з унівэрсытэтам. Мінакі спантанна ўключаліся ў працу, а арганізатары тлумачылі, што адбываецца 25 сакавіка ў Беларусі. Акцыя выклікала вялікае зацікаўленне. Сьцяг разам з палякамі шыла Арына Вячорка.
А 14:30 удзельнікі акцыі выпусьцілі ў неба бела-чырвона-белыя балёны.
Сьцяг, які пашыты супольна польска-беларускай сілай, хутка будзе вісець у цэнтры Варшавы на адным з будынкаў.
“Хочам, каб 25 сакавіка стаўся штогадовай нагодай паказаць сваю “Салідарнасьць” зь беларусамі, якія змагаюцца за сваю незалежнасьць. Хочам супольна зь імі крыкнуць “Жыве Беларусь!” – кажа Ігнацы Нямчыцкі з Ініцыятывы “Вольная Беларусь”, арганізатар акцыі.
Акцыя 25 сакавіка скончыла цыкль мерапрыемстваў пад загалоўкам Пачуй Беларусь! Больш за тыдзень праходзілі арганізаваныя канцэрты, паказы фільмаў і іншыя акцыі, якія падтрымлівалі прадэмакратычныя імкненьні беларусаў. Самым вялікім мерапрыемствам быў канцэрт “Салідарныя зь Беларусьсю”, які адбыўся ўжо чацьвёрты раз.
У Варшаве таксама сьвяткуюць Дзень Волі. 25 сакавіка палякі пашылі вялікі, бела-чырвона-белы сьцяг Беларусі.
Шыцьцё адбывалася на вуліцы, у самым цэнтры гораду, побач з унівэрсытэтам. Мінакі спантанна ўключаліся ў працу, а арганізатары тлумачылі, што адбываецца 25 сакавіка ў Беларусі. Акцыя выклікала вялікае зацікаўленне. Сьцяг разам з палякамі шыла Арына Вячорка.
А 14:30 удзельнікі акцыі выпусьцілі ў неба бела-чырвона-белыя балёны.
Сьцяг, які пашыты супольна польска-беларускай сілай, хутка будзе вісець у цэнтры Варшавы на адным з будынкаў.
“Хочам, каб 25 сакавіка стаўся штогадовай нагодай паказаць сваю “Салідарнасьць” зь беларусамі, якія змагаюцца за сваю незалежнасьць. Хочам супольна зь імі крыкнуць “Жыве Беларусь!” – кажа Ігнацы Нямчыцкі з Ініцыятывы “Вольная Беларусь”, арганізатар акцыі.
Акцыя 25 сакавіка скончыла цыкль мерапрыемстваў пад загалоўкам Пачуй Беларусь! Больш за тыдзень праходзілі арганізаваныя канцэрты, паказы фільмаў і іншыя акцыі, якія падтрымлівалі прадэмакратычныя імкненьні беларусаў. Самым вялікім мерапрыемствам быў канцэрт “Салідарныя зь Беларусьсю”, які адбыўся ўжо чацьвёрты раз.
