За два мінулыя месяцы горад недаатрымаў блізу 600 мільёнаў рублёў. Магілёўскія ўлады прызнаюць, што ёсьць цяжкасьці з выплатай заробкаў работнікам сацыяльнай сфэры.
Прадпрыемствы Магілёва за два месяцы выканалі крыху болей за 86% прагназаванага аб’ёму вытворчасьці, а меліся — сто пятнаццаць. Паводле старшыні гарвыканкаму Віктара Шорыкава, кожны недаатрыманы працэнт азначае страты бюджэту ў 300 мільёнаў рублёў:
“Чаго ўтойваць: з-за таго, што сёньня ідзе падзеньне аб’ёмаў вытворчасьці, у нас вялікія праблемы з напаўненьнем бюджэту. Мы сёньня гаворым пра выплату заробкаў у сацыяльнай сфэры, якую на чатырох- ці трохдзённы працоўны тыдзень не перавядзеш. Гэта адназначна. Я кажу пра ахову здароўя, адукацыю”, — прызнае кіраўнік гарадзкой выканаўчай улады.
Работнікаў мэдычных устаноў абласнога цэнтру ўжо папярэдзілі пра зьмяншэньне памераў заробкаў і прэміяльных выплат:
“Нас усіх сабралі й сказалі: “Заробкі будуць зьменшаныя ў любым выпадку. Прэміяў цяпер не чакайце”. Пачаўся ціск. Пачалі запісваць мала-мальскія парушэньні. І на грунце гэтага пачалі зьмяншаць прэміі. Заробкі настолькі малыя, што гэтая прэмія ў памеры ста тысяч, калі яна такой была, яна складала ледзьве не траціну, чвэрць ад заробку”, — паведаміў “Свабодзе” магілёўскі мэдык Раман.
Паводле суразмоўцы, за люты ён атрымаў прэмію ў памеры трыццаць тысяч рублёў.
У асяродзьдзі настаўнікаў кажуць, што і іх таксама чакае лёс мэдыкаў. Што да прэміяў пэдагогам, то яны ўжо паменелі. Акрамя таго, ім скасоўваюць даплаты за пазашкольную працу.
Ня лепш, чым у сацыяльнай сфэры, справы і ў прамысловасьці. Тут чатыры тысячы чалавек на дваццаці двух прадпрыемствах знаходзяцца ў вымушаных адпачынках альбо працуюць ва ўмовах няпоўнай занятасьці. Як удалося высьветліць, фонд заробку за два месяцы зьменшыўся на тры мільярды рублёў.
Прадпрыемствы Магілёва за два месяцы выканалі крыху болей за 86% прагназаванага аб’ёму вытворчасьці, а меліся — сто пятнаццаць. Паводле старшыні гарвыканкаму Віктара Шорыкава, кожны недаатрыманы працэнт азначае страты бюджэту ў 300 мільёнаў рублёў:
“Чаго ўтойваць: з-за таго, што сёньня ідзе падзеньне аб’ёмаў вытворчасьці, у нас вялікія праблемы з напаўненьнем бюджэту. Мы сёньня гаворым пра выплату заробкаў у сацыяльнай сфэры, якую на чатырох- ці трохдзённы працоўны тыдзень не перавядзеш. Гэта адназначна. Я кажу пра ахову здароўя, адукацыю”, — прызнае кіраўнік гарадзкой выканаўчай улады.
Работнікаў мэдычных устаноў абласнога цэнтру ўжо папярэдзілі пра зьмяншэньне памераў заробкаў і прэміяльных выплат:
“Нас усіх сабралі й сказалі: “Заробкі будуць зьменшаныя ў любым выпадку. Прэміяў цяпер не чакайце”. Пачаўся ціск. Пачалі запісваць мала-мальскія парушэньні. І на грунце гэтага пачалі зьмяншаць прэміі. Заробкі настолькі малыя, што гэтая прэмія ў памеры ста тысяч, калі яна такой была, яна складала ледзьве не траціну, чвэрць ад заробку”, — паведаміў “Свабодзе” магілёўскі мэдык Раман.
Паводле суразмоўцы, за люты ён атрымаў прэмію ў памеры трыццаць тысяч рублёў.
У асяродзьдзі настаўнікаў кажуць, што і іх таксама чакае лёс мэдыкаў. Што да прэміяў пэдагогам, то яны ўжо паменелі. Акрамя таго, ім скасоўваюць даплаты за пазашкольную працу.
Ня лепш, чым у сацыяльнай сфэры, справы і ў прамысловасьці. Тут чатыры тысячы чалавек на дваццаці двух прадпрыемствах знаходзяцца ў вымушаных адпачынках альбо працуюць ва ўмовах няпоўнай занятасьці. Як удалося высьветліць, фонд заробку за два месяцы зьменшыўся на тры мільярды рублёў.
