Толькі сёньня, 11 сакавіка ў Салігорскім судзе Неаніле Паляковай выдалі копію прысуду, вынесенага яе дачцэ Яне Паляковай.
Неаніла Міхайлаўна нагадала, што судзьдзя Аляксандар Бураўцоў прапаноўваў Яне прыйсьці па копію прысуду яшчэ 6 сакавіка, праз 3 дні пасьля суду. У суд Яна Палякова так і не прыйшла, у ноч на 7-га праваабаронца павесілася ў сваёй кватэры. Пасьля пахаваньня дачкі, 10 сакавіка, Неаніла Палякова пайшла ў суд па копію прысуду, але там заявілі, што копія яшчэ не гатовая. Жанчына згадвае пра тое, як сёньня разам з праваабаронцамі з БХК Гары Паганяйлам і Леанідам Мархоткам яна зноў дамагалася выдачы гэтага дакумэнту.
“Палову дня змагаліся, ледзь да бойкі не дайшло. Судзьдзя Бураўцоў ад нас уцёк, сказалі, што ён у працэсе. Мы паскардзіліся намесьніцы старшыні суду, і тая загадала, каб выклікалі яго з працэсу. Урэшце нам выдалі копію прысуду. Зараз яе вывучаюць”.
Былы судзьдзя, вядомы праваабаронца Гары Паганяйла не выключае, што копію прысуду не выдавалі адразу таму, што пасьля сьмерці Яны Паляковай у прысуд маглі ўносіцца карэкціроўкі. Вось што Гары Паганяйла заявіў “Свабодзе” пасьля азнаямленьня з прысудам, які яму перадала маці Яны Паляковай Неаніла Палякова:
“Такая сытуацыя выявілася. Аказваецца, у апошні дзень працэсу дзяржаўны абвінаваўца выставіў Яне Паляковай больш сур’ёзнае абвінавачаньне. Але ў сувязі з гэтымcуд быў абавязаны даць Яне час на падрыхтоўку да абароны, ня меней як на 5 дзён спыніць працэс. Магчыма, яна б запрасіла прафэсійнага адваката. Але гэтага суд не зрабіў і вынес прысуд. Гэта грубае парушэньне крымінальна-працэсуальнага закону, і зараз гэты факт — галоўны наш аргумэнт за тое, што прысуд Яне Паляковай быў вынесены незаконна”.
Паводле Гары Паганяйлы, спачатку Яну Палякову абвінавацілі па 1-й частцы 400-га артыкулу пра заведама ілжывы данос. Мінімальная санкцыя ў гэтым выпадку — штраф. Перакваліфікацыя на 2-ю частку таго ж артыкулу павялічвае мінімальнае пакараньне ўжо да абмежаваньня волі на тэрмін да 5 год, паколькі гаворка ўжо ідзе пра ілжывае абвінавачаньне ў цяжкім злачынстве. І перакваліфікацыя абвінавачаньня, і прысуд адбыліся ў адзін дзень, 3 сакавіка. Тады ж ад Яны Паляковай знаёмыя пачулі: “Зэчкай я ня буду”. Яшчэ праз тры дні жанчына павесілася.
Гары Паганяйла паведаміў, што ад імя БХК накіраваў заяву ў пракуратуру Салігорску з просьбай апратэставаць прысуд, вынесены Яне Паляковай судзьдзём Аляксандрам Бураўцовым. Паводле спадара Паганяйлы, да самой крымінальнай справы Яны Паляковай яго ды іншых праваабаронцаў не дапускаюць. У далейшым да апратэставаньня прысуду Яне Паляковай падключыцца адвакат Марына Сямашка. У пятніцу 13 сакавіка яна зьбіраецца падаць касацыйную скаргу на прысуд Яне Паляковай, паведаміў Гары Паганяйла.
Судзьдзя Аляксандар Бураўцоў, які выносіў прысуд Яне Паляковай, ад камэнтару адмаўляецца:
“Без камэнтару, паколькі... Не, я ня буду камэнтаваць”.
Старшыня Беларускай асацыяцыі журналістаў Жана Літвіна зрабіла заяву для мэдый, у якой назвала “цкаваньнем” артыкул у “Советской Белоруссии” пра Яну Палякову, які зьявіўся за дзень да гібелі жанчыны і, магчыма, спрычыніўся да самагубства:
“Падавалася, што дзяржаўныя мэдыі паціху адмаўляюцца ад распаўсюджваньня кампрамату, што ў нас спыняецца дыскрэдытацыя праз мэдыі палітычных апанэнтаў. На жаль, гэтыя спадзяваньні былі разьвеяныя той публікацыяй у “Советской Белоруссии”. Гэта ганьба для ўсёй журналісцкай супольнасьці”, — заявіла старшыня БАЖ Жана Літвіна.
Артыкул пра Яну Палякову 9 сакавіка зьнік з сайту газэты “Советская Белоруссия”.
Неаніла Міхайлаўна нагадала, што судзьдзя Аляксандар Бураўцоў прапаноўваў Яне прыйсьці па копію прысуду яшчэ 6 сакавіка, праз 3 дні пасьля суду. У суд Яна Палякова так і не прыйшла, у ноч на 7-га праваабаронца павесілася ў сваёй кватэры. Пасьля пахаваньня дачкі, 10 сакавіка, Неаніла Палякова пайшла ў суд па копію прысуду, але там заявілі, што копія яшчэ не гатовая. Жанчына згадвае пра тое, як сёньня разам з праваабаронцамі з БХК Гары Паганяйлам і Леанідам Мархоткам яна зноў дамагалася выдачы гэтага дакумэнту.
“Палову дня змагаліся, ледзь да бойкі не дайшло. Судзьдзя Бураўцоў ад нас уцёк, сказалі, што ён у працэсе. Мы паскардзіліся намесьніцы старшыні суду, і тая загадала, каб выклікалі яго з працэсу. Урэшце нам выдалі копію прысуду. Зараз яе вывучаюць”.
Былы судзьдзя, вядомы праваабаронца Гары Паганяйла не выключае, што копію прысуду не выдавалі адразу таму, што пасьля сьмерці Яны Паляковай у прысуд маглі ўносіцца карэкціроўкі. Вось што Гары Паганяйла заявіў “Свабодзе” пасьля азнаямленьня з прысудам, які яму перадала маці Яны Паляковай Неаніла Палякова:
“Такая сытуацыя выявілася. Аказваецца, у апошні дзень працэсу дзяржаўны абвінаваўца выставіў Яне Паляковай больш сур’ёзнае абвінавачаньне. Але ў сувязі з гэтым
Суд быў абавязаны даць Яне час на падрыхтоўку да абароны, ня меней як на 5 дзён спыніць працэс.
Паводле Гары Паганяйлы, спачатку Яну Палякову абвінавацілі па 1-й частцы 400-га артыкулу пра заведама ілжывы данос. Мінімальная санкцыя ў гэтым выпадку — штраф. Перакваліфікацыя на 2-ю частку таго ж артыкулу павялічвае мінімальнае пакараньне ўжо да абмежаваньня волі на тэрмін да 5 год, паколькі гаворка ўжо ідзе пра ілжывае абвінавачаньне ў цяжкім злачынстве. І перакваліфікацыя абвінавачаньня, і прысуд адбыліся ў адзін дзень, 3 сакавіка. Тады ж ад Яны Паляковай знаёмыя пачулі: “Зэчкай я ня буду”. Яшчэ праз тры дні жанчына павесілася.
Гары Паганяйла паведаміў, што ад імя БХК накіраваў заяву ў пракуратуру Салігорску з просьбай апратэставаць прысуд, вынесены Яне Паляковай судзьдзём Аляксандрам Бураўцовым. Паводле спадара Паганяйлы, да самой крымінальнай справы Яны Паляковай яго ды іншых праваабаронцаў не дапускаюць. У далейшым да апратэставаньня прысуду Яне Паляковай падключыцца адвакат Марына Сямашка. У пятніцу 13 сакавіка яна зьбіраецца падаць касацыйную скаргу на прысуд Яне Паляковай, паведаміў Гары Паганяйла.
Судзьдзя Аляксандар Бураўцоў, які выносіў прысуд Яне Паляковай, ад камэнтару адмаўляецца:
“Без камэнтару, паколькі... Не, я ня буду камэнтаваць”.
Старшыня Беларускай асацыяцыі журналістаў Жана Літвіна зрабіла заяву для мэдый, у якой назвала “цкаваньнем” артыкул у “Советской Белоруссии” пра Яну Палякову, які зьявіўся за дзень да гібелі жанчыны і, магчыма, спрычыніўся да самагубства:
“Падавалася, што дзяржаўныя мэдыі паціху адмаўляюцца ад распаўсюджваньня кампрамату, што ў нас спыняецца дыскрэдытацыя праз мэдыі палітычных апанэнтаў. На жаль, гэтыя спадзяваньні былі разьвеяныя той публікацыяй у “Советской Белоруссии”. Гэта ганьба для ўсёй журналісцкай супольнасьці”, — заявіла старшыня БАЖ Жана Літвіна.
Артыкул пра Яну Палякову 9 сакавіка зьнік з сайту газэты “Советская Белоруссия”.
