Паводле выбарачнага дасьледаваньня хатніх гаспадарак Беларусі, якое правёў Нацыянальны статыстычны камітэт, у апошнім квартале 2008-га года 9, 4% хатніх гаспадарак Беларусі мелі сярэдні прыбытак на чалавека у месяц меней за 250 тысяч рублёў. Самымі малазабясьпечанымі аказаліся жыхары Берасьцейскай вобласьці. Там у 2 разы меней сямей з сярэдні прыбыткам на чалавека больш за 1 мільён беларускіх рублёў.
Абласны кіраўнік па Берасьцейшчыне Свабоднага прафсаюзу беларускага Валянцін Лазарэнкаў лічыць, што зьвесткі пра беднату рэгіёна выглядаюць дзіўна:
“Берасьцейшчына з’яўляецца заходняй вобласьцю і традыцыйна заходняя вобласьць мае нейкія дадаткі за кошт гандлю паміж Захадам і Ўсходам і заўсёды некаторыя праблемы вырашаліся ўласна людзьмі. Зноў жа кантрабанда заўсёды была…з савецкіх часоў. Магчыма, самі зарплаты, афіцыйныя зьвесткі не адпавядаюць рэаліям. Працуюць у Расеі, працуюць у Польшчы, працуюць у нейкіх іншых месцах. А колькі рэальна людзей працуючы там, атрымліваючы заробкі там, тут маюць нейкую проста справаздачу”?
Не заўважыў страшнага заняпаду ў разьвіцьці хатніх гаспадарак і кіраўнік па вобласьці руху "За свабоду" Зьміцер Трацяк:
“Можа, не зусім дакладныя зьвесткі, таму што хатнія гаспадаркі на тых вёсачках, што вакол Белаазёрску, вельмі разьвітыя. І трымаюць там і кароў, сьвіней”…
Выглядае, што нізкія лічбы могуць тлумачыцца немагчымасьцю жыхароў Берасьцейшчыны знайсьці прыбытковую афіцыйную працу. Даводзіцца разьлічваць толькі ўласна на сябе, кажа Зьміцер:
“Можа, афіцыйна паказьнік невялікі, але калі вонкава меркаваць, дык наш Бярозаўскі раён ён… больш-менш нармальна пачувае сябе”…
Абласны кіраўнік па Берасьцейшчыне Свабоднага прафсаюзу беларускага Валянцін Лазарэнкаў лічыць, што зьвесткі пра беднату рэгіёна выглядаюць дзіўна:
“Берасьцейшчына з’яўляецца заходняй вобласьцю і традыцыйна заходняя вобласьць мае нейкія дадаткі за кошт гандлю паміж Захадам і Ўсходам і заўсёды некаторыя праблемы вырашаліся ўласна людзьмі. Зноў жа кантрабанда заўсёды была…з савецкіх часоў. Магчыма, самі зарплаты, афіцыйныя зьвесткі не адпавядаюць рэаліям. Працуюць у Расеі, працуюць у Польшчы, працуюць у нейкіх іншых месцах. А колькі рэальна людзей працуючы там, атрымліваючы заробкі там, тут маюць нейкую проста справаздачу”?
Не заўважыў страшнага заняпаду ў разьвіцьці хатніх гаспадарак і кіраўнік па вобласьці руху "За свабоду" Зьміцер Трацяк:
“Можа, не зусім дакладныя зьвесткі, таму што хатнія гаспадаркі на тых вёсачках, што вакол Белаазёрску, вельмі разьвітыя. І трымаюць там і кароў, сьвіней”…
Выглядае, што нізкія лічбы могуць тлумачыцца немагчымасьцю жыхароў Берасьцейшчыны знайсьці прыбытковую афіцыйную працу. Даводзіцца разьлічваць толькі ўласна на сябе, кажа Зьміцер:
“Можа, афіцыйна паказьнік невялікі, але калі вонкава меркаваць, дык наш Бярозаўскі раён ён… больш-менш нармальна пачувае сябе”…
