Дакумэнт перададзены на разгляд саюзнага Саўміну, паседжаньне якога заплянаванае на 30 студзеня.
Паводле міністра эканамічнага разьвіцьця Расеі Эльвіры Набіулінай, беларуска-расейскі антыкрызісны плян закліканы дапамагчы захаваць цяперашні ўзровень супрацоўніцтва эканомік дзьвюх краін.
Гэты плян прадугледжвае захады дзеля паляпшэньня плацёжнага балянсу, скіраваныя перш за ўсё на тое, каб зьменшыць адмоўнае сальда ў гандлі Беларусі з Расеяй. Апрача таго, плян закліканы захаваць аб’ёмы двухбаковага таваразвароту і палепшыць умовы для працы прадпрымальнікаў у дзьвюх краінах. Паводле Эльвіры Набіулінай, летась таваразварот паміж Беларусьсю і Расеяй вырас на 30 працэнтаў і дасягнуў 34 мільярдаў даляраў. Ці ўдасца ўтрымаць такі ўзровень сёлета?
Незалежны эканаміст Леанід Заіка мяркуе, што да гэтага ня трэба нават імкнуцца, а варта сканцэнтраваць увагу на тым, каб скараціць адмоўнае сальда Беларусі ў гандлі з Расеяй, якое склала амаль 12 мільярдаў даляраў.
“Гэта надзвычай нязносная і надзвычай небясьпечная сытуацыя для Беларусі. Гэта пагроза беларускаму рублю, усёй беларускай фінансавай і банкаўскай сыстэме”.
На думку Леаніда Заікі, увогуле паміж антыкрызіснымі захадамі ў Расеі і Беларусі няма поўнай адэкватнасьці, яны могуць супадаць толькі на 30-40 працэнтаў.
Беларускі прэм’ер Сяргей Сідорскі, зь якім сустракалася міністар эканамічнага разьвіцьця Расеі Эльвіра Набіуліна, сёньня паведаміў, што 30 студзеня ў Маскве ён сустрэнецца з Уладзімерам Пуціным. І ў рамках саюзнага Саўміну бакі зноў абмяркуюць сумесныя дзеяньні Беларусі і Расеі ва ўмовах сусьветнага фінансавага крызісу.
Паводле Сяргея Сідорскага, цяпер, калі ў сытуацыі крызісу будуць вызваляцца працоўныя месцы ў розных сэктарах эканомікі, “трэба зрабіць усё магчымае, каб захаваць для людзей занятасьць”. Прыярытэтам урадаў у гэтых умовах спадар Сідорскі назваў стварэньне новых працоўных месцаў і забесьпячэньне даходаў насельніцтва.
Незалежны эканаміст Леанід Заіка пагаджаецца з такімі ацэнкамі Сяргея Сідорскага і канкрэтызуе іх:
“Мы можам разьлічваць — пры неспрыяльным складаньні фактараў зьнешніх рынкаў і пагаршэньні ўнутранай дынамікі, што ўжо назіраецца, — можам разьлічваць на паўмільёна беспрацоўных. Пры гэтым мы ня ведаем, што будзе з тымі нашымі людзьмі, якія працавалі за мяжой і страцілі працу ў суседніх краінах, уключна з Расеяй”.
Эканаміст Леанід Заіка перакананы, што ў беларускага ўраду няма практыкі працы ва ўмовах істотнага беспрацоўя і складанай эканамічнай сытуацыі. А разьлічваць на дапамогу Расеі, на інвэстыцыйныя праекты з удзелам расейскага капіталу беларускаму ўраду цяпер ня варта, перакананы спадар Заіка.
Паводле міністра эканамічнага разьвіцьця Расеі Эльвіры Набіулінай, беларуска-расейскі антыкрызісны плян закліканы дапамагчы захаваць цяперашні ўзровень супрацоўніцтва эканомік дзьвюх краін.
Гэты плян прадугледжвае захады дзеля паляпшэньня плацёжнага балянсу, скіраваныя перш за ўсё на тое, каб зьменшыць адмоўнае сальда ў гандлі Беларусі з Расеяй. Апрача таго, плян закліканы захаваць аб’ёмы двухбаковага таваразвароту і палепшыць умовы для працы прадпрымальнікаў у дзьвюх краінах. Паводле Эльвіры Набіулінай, летась таваразварот паміж Беларусьсю і Расеяй вырас на 30 працэнтаў і дасягнуў 34 мільярдаў даляраў. Ці ўдасца ўтрымаць такі ўзровень сёлета?
Незалежны эканаміст Леанід Заіка мяркуе, што да гэтага ня трэба нават імкнуцца, а варта сканцэнтраваць увагу на тым, каб скараціць адмоўнае сальда Беларусі ў гандлі з Расеяй, якое склала амаль 12 мільярдаў даляраў.
Паміж антыкрызіснымі захадамі ў Расеі і Беларусі няма поўнай адэкватнасьці.
На думку Леаніда Заікі, увогуле паміж антыкрызіснымі захадамі ў Расеі і Беларусі няма поўнай адэкватнасьці, яны могуць супадаць толькі на 30-40 працэнтаў.
Беларускі прэм’ер Сяргей Сідорскі, зь якім сустракалася міністар эканамічнага разьвіцьця Расеі Эльвіра Набіуліна, сёньня паведаміў, што 30 студзеня ў Маскве ён сустрэнецца з Уладзімерам Пуціным. І ў рамках саюзнага Саўміну бакі зноў абмяркуюць сумесныя дзеяньні Беларусі і Расеі ва ўмовах сусьветнага фінансавага крызісу.
Паводле Сяргея Сідорскага, цяпер, калі ў сытуацыі крызісу будуць вызваляцца працоўныя месцы ў розных сэктарах эканомікі, “трэба зрабіць усё магчымае, каб захаваць для людзей занятасьць”. Прыярытэтам урадаў у гэтых умовах спадар Сідорскі назваў стварэньне новых працоўных месцаў і забесьпячэньне даходаў насельніцтва.
Мы можам разьлічваць на паўмільёна беспрацоўных.
“Мы можам разьлічваць — пры неспрыяльным складаньні фактараў зьнешніх рынкаў і пагаршэньні ўнутранай дынамікі, што ўжо назіраецца, — можам разьлічваць на паўмільёна беспрацоўных. Пры гэтым мы ня ведаем, што будзе з тымі нашымі людзьмі, якія працавалі за мяжой і страцілі працу ў суседніх краінах, уключна з Расеяй”.
Эканаміст Леанід Заіка перакананы, што ў беларускага ўраду няма практыкі працы ва ўмовах істотнага беспрацоўя і складанай эканамічнай сытуацыі. А разьлічваць на дапамогу Расеі, на інвэстыцыйныя праекты з удзелам расейскага капіталу беларускаму ўраду цяпер ня варта, перакананы спадар Заіка.
