Яшчэ аднаго кандыдата ў дэпутаты звольнілі з працы

Учора ягоны кіраўнік папрасіў, каб Віктар Падчыненкаў напісаў заяву на звальненьне па ўласным жаданьні, спаслаўшыся на тое, што да яго з гэтым патрабаваньнем прыходзілі людзі “з органаў”.

Падчыненкаў: “Калі спакойна пачалі разьбірацца, высьветлілася, што на фірму прыходзілі, як яны сказалі, “людзі з органаў”. Хаця сытуацыя на працы такая, што людзей не хапае, дый я быў далёка не апошнім там работнікам. Дырэктар як бы напачатку зусім ня выйшаў да мяне, а ўжо ў канцы падышоў і — маўляў, Віця, так атрымліваецца, а што зробіш у такой сытуацыі...”