Паводле сьледзтва міліцыянты дзейнічалі насуперак закону, калі спынілі аўтамабілі на шашы Мікашэвічы-Менск і паставілі іх ўпоперак дарогі, каб спыніць нецьвярозага кіроўцу. У выніку інцыдэнту пацярпелі людзі.
Судзіць супрацоўнікаў ДАІ будзе судзьдзя Ірына Майко.
Нагадаем, інцыдэнт адбыўся 2-га сакавіка. Толькі праз два тыдні пракуратура завяла крымінальную справу супроць міліцыянтаў, а справа супроць нецьвярозага кіроўцы Рамана Менцюка была заведзеная яшчэ праз некалькі дзён. За гэты час Раман Менцюк зьнік і зараз знаходзіцца ў вышуку.
