Кейсі падкрэсьліў, што для Злучаных Штатаў вельмі важна мець амбасаду ў Менску і мець прадстаўніцтва на высокім дыпляматычным узроўні для вырашэньня зь беларускімі ўладамі шэрагу праблемаў.
Раней сёньня прадстаўнік Белага дому Гордан Джондра асудзіў рэкамэндацыю афіцыйнага Менску паслу ЗША Карэн Ст’юарт пакінуць Беларусь. Джондра назваў дзеяньні беларускіх уладаў “неапраўданымі” і заявіў, што яны яшчэ ў большай ступені ізалююць Беларусь ад аб’яднанай Эўропы.
