З інаўгурацыі пачаўся адлік сёмага тэрміну кіраваньня Лукашэнкам Беларусьсю. Як ён распарадзіцца сваёй уладай у наступныя 5 гадоў?
Наколькі важная Беларусь для імпэрскіх плянаў Расеі? Якімі могуць быць наступныя расейскія крокі датычна Беларусі? Пра гэта ды іншае ў «Размове са Свабодай» расказвае Донаха О Бяхань, прафэсар Гарадзкога ўнівэрсытэту Дубліну, Ірляндыя.
У інаўгурацыйнай прамове Лукашэнкі дамінавала агрэсіўная, канфрантацыйная рыторыка, палеміка з унутранымі і вонкавымі апанентамі, так ён спрабаваў завуаляваць сваю няўпэўненасьць. Ён нібы апраўдваўся, даказваў сваё права быць прэзыдэнтам, разумеючы, што ў гэтым ёсьць сумневы і ў краіне, і па-за ёю
Прызначэньне інаўгурацыі на 25 сакавіка — акт сымбалізма. Гэта знак перамогі над палітычнымі праціўнікамі. Але парадокс у тым, што ўлады сьвяткуюць гэтую дату, няхай і з знакам мінус.
Што адбываецца з Радыё Свабода цяпер? Аўтарытарныя рэжымы і іх прапагандысты нас ужо пахавалі. Яны зь вялікай радасьцю ўспрынялі навіну пра тое, што прыпыненае фінансаваньне Радыё Свабода.
Цяпер, пасьля ўчорашняй тэлефоннай размовы Дональда Трампа і Уладзімера Пуціна плян хуткага спыненьня вайны ва Ўкраіне, які імнулася рэалізаваць амэрыканская адмінстрацыя, завісае. Вашынгтону трэба ўзяць паўзу, каб вырашыць, што рабіць далей.
Лукашэнка ў Маскве адначасова разважаў пра неабходнасьць змаганьня за справядлівы сьвет і вітаў права вялікіх дзяржаў ствараць міжнародную сыстэму пад свае патрэбы і інтарэсы. Ён не ўсьведамляе іх узаемавыключнасьць. Бо такі ягоны палітычны стыль і асаблівасьці сьвядомасьці.
Прыём Аляксандра Лукашэнкі ў Расеі на тле перамоваў Масквы і Вашынгтону — дэманстрацыя элітам постсавецкіх краін, якія бонусы яны могуць атрымаць, калі будуць ляяльныя Крамлю.
Хоць цяперашні статус візыту Лукашэнкі падвысілі да афіцыйнага, ён толькі пацьвердзіў, што вонкавая палітыка Беларусі ў асноўным зводзіцца да адносінаў з Расеяй. На гэтым тле спроба беларускага ўладара ўдзельнічаць у нейкіх вялікіх геапалітычных гульнях выглядае штучна.
У расейска-ўкраінскай вайне адбыўся важны паварот. Дакладней, не ў самой вайне, а ў дыпляматычным супрацьстаяньні вакол гэтага трагічнага канфлікту. На парадку дня стаіць пытаньне: хто будзе абвешчаны праціўнікам міру ў вачах сусьветнай супольнасьці?
З дня выбараў 26 студзеня прайшло 43 дні. Паводле закону інаўгурацыя павінна праходзіць не пазьней як праз два месяцы пасьля выбараў. Калі адбудзецца інаўгурацыя сёлета і праз колькі дзён яна праводзілася пасьля папярэдніх выбараў?
Лукашэнка ў сваёй кадравай палітыцы кіруецца прынцыпам, паводле якога чыноўнік не павінен доўгі час заставацца на ключавой пасадзе.
Палітычны аналітык і мэдыяэкспэрт Паўлюк Быкоўскі аналізуе новыя наратывы беларускай прапаганды, тлумачыць, чаму прапагандысты сталі параўноўваць Трампа і Лукашэнку і спрабуюць выставіць апошняга палітыкам сусьветнага маштабу.
Тое, што Аляксандар Лукашэнка імкнецца паўстаць перад сьветам у вобразе міратворца, — гісторыя ня новая. Яму даўно цесна ў вузкіх межах Беларусі, яго цягне на вялікую геапалітычную прастору. Бо ён лічыць сябе палітыкам сусьветнага маштабу.
Антон Пянькоўскі, амэрыканіст, дарадца Агенцтва эўраатлянтычнага супрацоўніцтва, аналізуе, у якім вобразе Аляксандар Лукашэнка паспрабаваў паўстаць перад амэрыканскай аўдыторыяй, і камэнтуе шанцы афіцыйнага Менску стаць пасярэднікам у мірных перамовах.
Аляксандар Лукашэнка сфармаваў новы ўрад, які ў рэальнасьці вельмі падобны да старога. Новых постацяў там — адзінкі. Прычым урад сфармаваны без фармальнай інаўгурацыі самога Лукашэнкі.
Як мянялася стаўленьне да Лукашэнкі ў Расеі ды іншых суседніх краінах на працягу апошніх гадоў?
Кіраўнік МЗС Беларусі Максім Рыжанкоў выступіў на штогадовай Канфэрэнцыі ААН у пытаньнях раззбраеньня ў Жэнэве. У выступе ён выклаў некалькі спрэчных тэзаў, якія разыходзяцца з рэчаіснасьцю.
Юрыст, праўнік Народнага антыкрызіснага ўпраўленьня (НАУ) Міхаіл Кірылюк разважае пра тое, ці можа новая Адміністрацыя ЗША скасаваць санкцыі супраць Беларусі і што гэта можа даць афіцыйнаму Менску.
Ці азначае ратыфікацыя Дамовы аб гарантыях бясьпекі, што ў Беларусі ў хуткім часе зьявяцца новыя расейскія вайсковыя аб’екты? Наколькі імаверны новы расейскі ўдар па Ўкраіне з тэрыторыі Беларусі з выкарыстаньнем вучэньняў «Захад—2025»? Ці будуць разьмешчаныя ў Беларусі расейскія ракеты «Арэшнік»?
Кіраўнік МЗС Беларусі Максім Рыжанкоў упершыню ў статусе міністра наведаў Эўропу. Ягоны выступ на сэсіі Рады правоў чалавека ААН у Жэнэве быў у пэўным сэнсе праграмным і канцэптуальным.
Апошнім часам часта гучыць пытаньне: ці вырве Трамп Лукашэнку з абдымкаў Пуціна? Тут адразу ж узьнікае іншае пытаньне: а ці зьбіраецца амэрыканскі прэзыдэнт увогуле гэта рабіць?
Якім будзе новы ўрад Нямеччыны? Ці варта чакаць ад яго новай палітыкі адносна Беларусі? Як Нямеччына на чале з Фрыдрыхам Мэрцам зьбіраецца адказваць на выклік Дональда Трампа?
Перамены ў палітыцы ЗША сталі выклікам ня толькі для Эўропы, Украіны, але і для Беларусі. Прычым як для афіцыйнага Менску, так і для апазыцыі. Апошняй застаецца спрабаваць неяк упісацца ў новую стратэгію Вашынгтона, выкарыстаць тое акно магчымасьцяў, якое адчыняецца.
Наколькі аб’ектыўнай можна лічыць карціну грамадзкай думкі, якую даюць сацыялягічныя апытаньні ў аўтарытарных краінах? Ці ўплывае грамадзкая думка на рашэньні палітычнай улады ў такіх краінах? Як успрымуць грамадзтвы ў Беларусі і Расеі мір ва Ўкраіне, калі ён будзе дасягнуты?
Група сацыёлягаў на чале зь Філіпам Біканавым летась у сьнежні правяла дасьледаваньне на тэму беларускай ідэнтычнасьці. Што паказалі вынікі?
Старшая навуковая супрацоўніца дасьледчага цэнтру BEROC Анастасія Лузгіна аналізуе супярэчлівыя заявы Аляксандра Лукашэнкі наконт прыватнага бізнэсу і тлумачыць прычыны часовага ўмацаваньня беларускага рубля.
Прэзыдэнт Зяленскі намякае, што без дэмакратычных перамен у Беларусі трывалы мір у рэгіёне немагчымы. Паводле NYT, ЗША вядуць кулюарныя перамовы пра ўгоду з рэжымам Лукашэнкі, каб дамагчыся вызваленьня палітвязьняў і дыстанцыяваньня таго ад Расеі. Гэта — розныя стратэгіі.
Наколькі глыбокія супярэчнасьці выявіліся паміж Эўропай і Злучанымі Штатамі на нядаўняй Мюнхэнскай канфэрэнцыі? Ці гатовая Эўропа ўзяць на сябе адказнасьць за вырашэньне праблемы вайны ва Ўкраіне? Якія шанцы на рэалізацыю ўгоды паміж Трампам і Лукашэнкам?
Сёньня Аляксандар Лукашэнка прызначыў старшынём камісіі ў справе фармаваньня новага ўраду кіраўніка сваёй адміністрацыі Дзьмітрыя Крутога. Што азначае гэтае прызначэньне?
Ці можа быць гарантаваная бясьпека Ўкраіны без нэўтралізацыі пагрозы з боку Беларусі? Пазыцыя Кіева палягае ў тым, што без вырашэньня беларускага пытаньня немагчымы трывалы мір у рэгіёне.
Эканаміст Уладзімер Кавалкін аналізуе, якія новыя тэндэнцыі могуць запанаваць у эканамічнай палітыцы Беларусі, і пэсымістычна ацэньвае магчымасьць кампэнсаваць нястачу кадраў працоўнымі мігрантамі.
Ці падзяляюць эўрапейскія саюзьнікі ЗША падыходы адміністрацыі Дональда Трампа да міжнароднай бясьпекі? Ці будуць ЗША працягваць вайсковую дапамогу Ўкраіне? Наколькі вялікія шанцы на тое, што будзе прынятая прапанова Аляксандра Лукашэнкі накіраваць ва Ўкраіну беларускіх міратворцаў?
Рэжым Лукашэнкі трапіў у сытуацыю, калі дыстанцыявацца ад Расеі ўжо ня можа. За мінулыя чатыры з паловай гады залежнасьць ад Расеі стала такой татальнай, што вылузацца зь яе немагчыма.
У красавіку мае адбыцца так званы Ўсебеларускі народны сход (УНС). Лукашэнка чарговы раз выказаў перасьцярогі наконт таго, як упісаць УНС у сыстэму дзяржаўнага кіраваньня, што рабіць з гэтым інстытутам, як не дапусьціць умяшаньня ім «у кампэтэнцыю іншых дзяржаўных органаў».
Праваслаўны сьвятар Аляксандар Шрамко камэнтуе сустрэчу Аляксандра Лукашэнкі з кіраўнікамі рэлігійных канфэсіяў і тлумачыць, чаму і як праваслаўная царква атрымала ў Беларусі асаблівы статус — вышэйшы, чым у іншых.
Зяленскі кажа пра ўцягваньне Беларусі ў вайну не як пра імавернасьць, а як пра непазьбежнасьць, і разглядае Беларусь не як самастойны суб’ект, а як аб’ект, інструмэнт у руках Крамля.
Незалежна ад таго, ці спраўдзяцца прагнозы Ўладзіміра Зяленскага, усё больш заўважнае ўцягваньне Беларусі ў расейскія мілітарысцкія пляны адбываецца.
Эканаміст Яраслаў Раманчук аналізуе, якія зьмены адбываюцца ў сусьветнай эканоміцы ў выніку гандлёвых войнаў і прагназуе, як на гэтыя зьмены можа рэагаваць афіцыйны Менск.
Пра што сьведчыць адсутнасьць рэакцыі Дзярждэпартамэнту ЗША на сёлетнія выбары ў Беларусі? Ці ёсьць у ЗША пляны прызнаць рэжым Лукашэнкі легітымным? Як і ў якім аб’ёме можа аднавіцца амэрыканская замежная дапамога?
Упершыню за 30 год прэзыдэнцтва Лукашэнка абвясьціў пра стварэньне камісіі, якая павінна ўнесьці прапановы наконт фармаваньня новага складу ўраду. Дзеля чаго гэта яму спатрэбілася?
Вольга Лойка, рэдактарка рэсурсу «Плян Б», аналізуе вынікі дзейнасьці ўраду прэм’ера Рамана Галоўчанкі і прагназуе, хто зь міністраў можа пазбавіцца сваёй пасады.
Лукашэнка асабліва не хаваў, што ягоная перамога — гвалтоўная. Але ён ня лічыць гэта недахопам. Паводле ягонага ўяўленьня, гвалт — гэта паказьнік сілы, прыкмета моцнага палітыка.
Галоўная праблема замежнай палітыкі Беларусі палягае ў тым, што задача ўтрыманьня Лукашэнкам улады любой цаной супярэчыць нацыянальным інтарэсам краіны.
Палітычны аналітык Ігар Тышкевіч расказвае, як ва Ўкраіне рэагуюць на апошнія заявы Аляксандра Лукашэнкі наконт вайны, і адказвае на пытаньне, ці магчымыя беларускія міратворцы на ўкраінскай тэрыторыі.
Што азначае непрызнаньне заходнімі краінамі вынікаў прэзыдэнцкіх выбараў у Беларусі? Чаму Захад не рэагуе на 10 хваляў памілаваньняў Лукашэнкам палітвязьняў? Якія асаблівасьці новага пакету санкцыяў адносна Беларусі, падрыхтаванага ЭЗ да гадавіны пачатку поўнамаштабнай вайны Расеі з Украінай?
Палітычная кампанія пад назвай «прэзыдэнцкія выбары» скончылася. Што чакае Беларусь далей? Наколькі можа зьмяніцца палітыка Лукашэнкі пасьля прадказальнай «перамогі» 26 студзеня 2025 году?
Чым адрозьніваюцца электаральныя стратэгіі беларускай і расейскай уладаў? Чаму ЦВК налічыў Лукашэнку менавіта 86,82% галасоў? На чым грунтуюцца прагнозы, паводле якіх на працягу 10 гадоў Беларусь будзе анэксаваная Расеяй?
Лукашэнка не зьбіраецца спыняць рэпрэсіі, вызваляць знакавых палітвязьняў і распачынаць дыялёг з апазыцыяй.
За 30 зь невялікім гадоў існаваньня незалежнай Беларусі легітымнасьць працэсу галасаваньня за кандыдатуру на пасаду прэзыдэнта ня выклікала пытаньняў толькі аднойчы — самы першы раз, у 1994 годзе.
Загрузіць яшчэ
