У Смалявічах міліцыя ўмяшалася ў правядзеньне масавага хросту ў мясцовым возеры. Праводзіла яго смалявіцкая царква хрысьціян веры эвангельскай «Благадаць», паведаміў адказны сакратар аргкамітэту па стварэньні партыі «Беларуская Хрысьціянская Дэмакратыя» Дзяніс Садоўскі, паведамляе krynica.info
Паводле Садоўскага, міліцыя спачатку забараніла праводзіць хрост і склала пратакол, а пастара затрымалі для разьбіральніцтва.
Пасьля таго, як прыехала міліцэйскае кіраўніцтва, хрост быў дазволены. Вернікаў папрасілі адысьці падалей ад пляжу.