На сайце "Свабоды" закончылася онлайн-канфэрэнцыя зь Сяргеем Будкіным – галоўным рэдактарам інтэрнэт-парталу "Тузін Гітоў".
Сяргей Будкін нарадзіўся 23 лютага1982 году. Скончыў школу з музычна-харавым ухілам і факультэт журналістыкі БДУ. Абараніў на "выдатна" дыплёмную працу "Праблемы беларускага шоў-бізнэсу ды іх асьвятленьне ў пэрыёдыцы".
У 2005 годзе скончыў Беларусі калегіюм па спэцыяльнасьці "журналістыка". Сябра Беларускай асацыяцыі журналістаў. Друкаваўся з 1999 году ў газэтах "Беларуская маладзёжная", "Згода", "Белорусская деловая газета", "Салідарнасць", часопісе "Мастацтва" ды інш.
Укладальнік і адзін з аўтараў кнігі "Залатыя дыскі беларускага рок-н-ролу". Выступаў у якасьці суарганізатара шэрагу музычных акцыяў, сярод якіх "Рок-рэвалюцыя" з удзелам N.R.M. (Вільня, 16.03.2006) і канцэрту памяці Анатоля Сыса ў Чырвоным касьцёле (Менск, 3.11.2007). Сябра журы фэстывалю "Рок-Кола" (Полацак, 2003-2007). Прадусар цырымоніі "Рок-Каранацыя" (2005-2007). Музычны аглядальнік газэты "Наша Ніва". Супрацоўнік радыё Рацыя.
Галоўны рэдактар інтэрнэт-парталу "Тузін Гітоў".
Адказы на пытаньні можна прачытаць тут: