Урад і Нацбанк дамовіліся легалізаваць "ценявы" абменны курс беларускага рубля, які склаўся ва ўмовах дэфіцыту замежнай валюты. Рынкавы курс будзе фармавацца на альтэрнатыўнай гандлёвай сэсіі Беларускай валютна-фондавай біржы.
"Урад і Нацбанк у пятніцу зацьвердзілі праграму дзеяньняў па пераадоленьні валютнага крызісу, якая, у прыватнасьці, прадугледжвае наяўнасьць альтэрнатыўнага рынкавага абменнага курсу беларускага рубля", — паведаміў агенцтву Інтэрфакс удзельнік нарады па пытаньнях сацыяльна-эканамічнага разьвіцьця, якую ў пятніцу правёў Аляксандар Лукашэнка.
"На біржы будзе ўведзена другая гандлёвая сэсія, дзе абменны курс будзе ўсталёўвацца на рынкавых умовах, зыходзячы з попыту і прапановы юрыдычных асобаў", — патлумачыла крыніца.
Пры гэтым дзейны біржавы мэханізм вызначэньня афіцыйнага курсу захаваецца. Гэта значыць, афіцыйны курс будзе вызначацца на асноўных таргах, зыходзячы з прапановы ў рамках абавязковага продажу часткі валютнай выручкі. Тут Нацбанк захавае мэханізм абмежавальнага задавальненьня попыту для крытычнага імпарту (газ, мэдыкамэнты) і пагашэньня валютных крэдытаў.
"Упраўленьне інфармацыі Нацыянальнага банку не пацьвярджае і не абвяргае дадзеную інфармацыю. Такіх зьвестак у нас няма", — сказаў агенцтву начальнік упраўленьня, прэсавы сакратар Нацбанку Беларусі Анатоль Драздоў.
Былы кіраўнік Нацбанку Станіслаў Багданкевіч заявіў: "Я абсалютны праціўнік множнасьці або дваістасьці абменных курсаў. Абменны курс павінен быць адзін, ён павінен вызначацца попытам і прапановай".
"Зараз патрэбная комплексная праграма выхаду з крызісу, а ня проста дэвальвацыя і скарачэньне фінансаваньня дзяржпраграмаў", — дадаў Багданкевіч.
У Беларусі сфармаваўся "ценявы" рынак безнаяўнай валюты, абменны курс на якім перавышае афіцыйны на 50%. На "ценявым" рынку беларускі рубель імкліва таньнее — на пачатку мінулага тыдня ён перавышаў афіцыйны курс на 30%.
Афіцыйны курс беларускага рубля наблізіўся да мяжы зацьверджанага Аляксандрам Лукашэнкам калідора — ня больш за 8% да кошыка валют (даляр ЗША, эўра, расейскі рубель).
Паводле стану на 18 красавіка беларускі рубель зьнізіўся да кошыка валют на 7,57%, піша Інтэрфакс.
"Урад і Нацбанк у пятніцу зацьвердзілі праграму дзеяньняў па пераадоленьні валютнага крызісу, якая, у прыватнасьці, прадугледжвае наяўнасьць альтэрнатыўнага рынкавага абменнага курсу беларускага рубля", — паведаміў агенцтву Інтэрфакс удзельнік нарады па пытаньнях сацыяльна-эканамічнага разьвіцьця, якую ў пятніцу правёў Аляксандар Лукашэнка.
"На біржы будзе ўведзена другая гандлёвая сэсія, дзе абменны курс будзе ўсталёўвацца на рынкавых умовах, зыходзячы з попыту і прапановы юрыдычных асобаў", — патлумачыла крыніца.
Пры гэтым дзейны біржавы мэханізм вызначэньня афіцыйнага курсу захаваецца. Гэта значыць, афіцыйны курс будзе вызначацца на асноўных таргах, зыходзячы з прапановы ў рамках абавязковага продажу часткі валютнай выручкі. Тут Нацбанк захавае мэханізм абмежавальнага задавальненьня попыту для крытычнага імпарту (газ, мэдыкамэнты) і пагашэньня валютных крэдытаў.
"Упраўленьне інфармацыі Нацыянальнага банку не пацьвярджае і не абвяргае дадзеную інфармацыю. Такіх зьвестак у нас няма", — сказаў агенцтву начальнік упраўленьня, прэсавы сакратар Нацбанку Беларусі Анатоль Драздоў.
Былы кіраўнік Нацбанку Станіслаў Багданкевіч заявіў: "Я абсалютны праціўнік множнасьці або дваістасьці абменных курсаў. Абменны курс павінен быць адзін, ён павінен вызначацца попытам і прапановай".
"Зараз патрэбная комплексная праграма выхаду з крызісу, а ня проста дэвальвацыя і скарачэньне фінансаваньня дзяржпраграмаў", — дадаў Багданкевіч.
У Беларусі сфармаваўся "ценявы" рынак безнаяўнай валюты, абменны курс на якім перавышае афіцыйны на 50%. На "ценявым" рынку беларускі рубель імкліва таньнее — на пачатку мінулага тыдня ён перавышаў афіцыйны курс на 30%.
Афіцыйны курс беларускага рубля наблізіўся да мяжы зацьверджанага Аляксандрам Лукашэнкам калідора — ня больш за 8% да кошыка валют (даляр ЗША, эўра, расейскі рубель).
Паводле стану на 18 красавіка беларускі рубель зьнізіўся да кошыка валют на 7,57%, піша Інтэрфакс.