Міністэрства інфармацыі Беларусі вынесла папярэджаньне за недакладную інфармацыю пра тэракт газэце «Наша нiва».
Як паведамілі агенцтву Інтэрфакс у Міністэрстве інфармацыі, «падставай для папярэджаньня стала публікацыя на старонках газэты недакладнай інфармацыі пра тое, што адна з ахвяраў тэракту 11 красавіка нібыта знаходзілася на станцыі да позьняга вечара». На думку міністэрства, «распаўсюджваньне гэтай інфармацыі прычыняе шкоду грамадзкім інтарэсам, дыскрэдытуе органы дзяржаўнай улады, выратавальныя і мэдыцынскія службы, якія прымалі ўдзел у аказаньні дапамогі пацярпелым у выніку тэракту».
Акрамя таго, 15 красавіка было вынесена папярэджаньне на адрас газэты «Народная воля» ў сувязі з распаўсюджваньнем зьвестак, якія не адпавядаюць рэчаіснасьці і псуюць дзелавую рэпутацыю Белтэлерадыёкампаніі. «Факт распаўсюду такіх зьвестак быў устаноўлены 13 красавіка 2011 году рашэньнем Вышэйшага гаспадарчага Суду».
Як паведамілі агенцтву Інтэрфакс у Міністэрстве інфармацыі, «падставай для папярэджаньня стала публікацыя на старонках газэты недакладнай інфармацыі пра тое, што адна з ахвяраў тэракту 11 красавіка нібыта знаходзілася на станцыі да позьняга вечара». На думку міністэрства, «распаўсюджваньне гэтай інфармацыі прычыняе шкоду грамадзкім інтарэсам, дыскрэдытуе органы дзяржаўнай улады, выратавальныя і мэдыцынскія службы, якія прымалі ўдзел у аказаньні дапамогі пацярпелым у выніку тэракту».
Акрамя таго, 15 красавіка было вынесена папярэджаньне на адрас газэты «Народная воля» ў сувязі з распаўсюджваньнем зьвестак, якія не адпавядаюць рэчаіснасьці і псуюць дзелавую рэпутацыю Белтэлерадыёкампаніі. «Факт распаўсюду такіх зьвестак быў устаноўлены 13 красавіка 2011 году рашэньнем Вышэйшага гаспадарчага Суду».