ААН: Колькасьць уцекачоў на Захадзе зьмяншаецца

Паводле статыстыкі Камісія па правах чалавека ААН, палітычны прытулак у 44 індустрыяльных краінах сьвету ў 2010 годзе хацелі атрымаць каля 359 тысячаў чалавек.

Гэта на 5% менш, чым у папярэднім годзе, і на 40% менш, чым у рэкордным 2001 годзе.

Найбольшы спад руху ўцекачоў (у сярэднім – на 33% у параўнаньні з папярэднім годам) быў адзначаны ў такіх міжземнаморскіх краінах як Альбанія, Кіпр, Грэцыя, Італія, Мальба, Партугалія, Гішпанія.

Але адначасова колькасьць просьбаў аб атрыманьні прытулку пабольшала, у параўнаньні з папярэднім годам, у такіх краінах, як Нямеччына (49%), Швэцыя (32%), Данія (30%).

Паводле статыстыкі ААН, у Беларусі летась прытулку прасілі 150 чалавек (у 2009 – 160 чалавек).