Ілюстрацыя, разьмешчаная ўверсе сайту, была выкананая ў бел-чырвона-белым афармленьні. На ёй быў спокліч «Жыве Беларусь», выява гербу Пагоня, урывак з гімну Беларускай Народнай Рэспублікі.
«Ня будзе спакою акупантам і карнікам народу Беларусі да нашай Перамогі», — заявілі ад імя суполкі. У паведамленьні таксама назвалі імя супрацоўніка банку, дзякуючы якому ўдалося атрымаць доступ да сайту.
Банк разьвіцьця Рэспублікі Беларусь у чэрвені 2011 году заснавалі Савет міністраў і Нацыянальны банк Беларусі. Стваралі гэтую фінансавую ўстанову ў супрацы зь Міжнародным валютным фондам і Ўсясьветным банкам.
Пасьля падтрыманьня ўладамі Беларусі расейскай агрэсіі супраць Украіны Эўразьвяз і шэраг заходніх краін ўключылі банк у санкцыйныя сьпісы і адключылі яго ад SWIFT.
ГЛЯДЗІЦЕ ТАКСАМА: Міжнародныя банкі спынілі фінансаваньне інвэстпраектаў у Беларусі на 19 мільёнаў эўра, — Інстытут эканомікі НАН- «Кібэрпартызаны» — беларуская дэцэнтралізаваная супольнасьць ананімных хакераў, зьявілася ў верасьні 2020 году.
- Атрымалі вядомасьць дзякуючы шэрагу пасьпяховых кібэратак на рэсурсы дзяржаўных установаў і сілавых структураў Беларусі, публікацыям кампрамату на прадстаўнікоў апошніх, а таксама разьмяшчэньню у адкрытым доступе службовай і сакрэтнай інфармацыі.
- Супольнасьць пачала дзейнасьць у адказ на дзяржаўныя рэпрэсіі супраць пратэстоўцаў.
- Сваю дзейнасьць «Кібэрпартызаны» называюць барацьбой з Аляксандрам Лукашэнкам.