На пункце пропуску Мядзінінкай літоўскія памежнікі спынілі аўтамабіль, у салёне якога быў вымпел са сьцягам савецкіх дэсантнікаў, упрыгожаным чырвонай зоркай і георгіеўскай стужкай.
Кіроўцу - грамадзяніна Беларусі зь відам на жыхарства ў Літве -- аштрафавалі на 150 эўра, сьцяг канфіскавалі, а ўезд у краіну забаранілі, паведамляе Delfi.
- У Літве дзейнічае забарона на публічнае выкарыстаньне нацысцкай і савецкай сымболікі. У 2008 годзе Сойм Літвы прыняў папраўкі да закону аб сходах, якія забараняюць дэманстрацыю такіх сымбаляў на масавых мерапрыемствах.
- У кастрычніку 2024 году ўрад Літвы ўхваліў увядзеньне забароны на ўвоз і транзыт тавараў з выявай нацысцкай і савецкай сымболікі, у тым ліку адказнасьць за іх захоўваньне з мэтай распаўсюджваньня.