Архіў Fortepan у Вугоршчыне знайшоў і выклаў у Сеціва здымкі невядомага аўтара, зробленыя 35 гадоў таму, у час рэвалюцыі, якая стартавала ў Тымішаары з патрабаваньня народу вызваліць з-пад варта аднаго з дысыдэнтаў. Рэвалюцыя скончылася адхіленьнем Нікаляе Чаўшэску ад улады і расстрэлам яго і жонкі.
Першыя сутыкненьні адбыліся 16 сьнежня, хаця агульная палітычная сытуацыя напярэдадні не паказвала на хуткі пачатак напружанасьці. Ужо неўзабаве паасобныя сутычкі перарасьлі ў паўнавартасныя вулічныя баі.
Людзі абменьваюцца інфармацыяй на вуліцы ў Тымішаары
У краме
Адзін з удзельнікаў вулічных сутыкненьняў у Тымішаары
Жыхары Тымішаары зьбіраюцца на пратэст, які зь мірнага перарасьце ў баявыя сутычкі зь сілавікамі. Войска неўзабаве пяройдзе на бок народу і будзе змагацца са спэцслужбай Сэкурытатэ
Баец на вуліцах Тымішаары, сьнежань 1989
Калі ў сьнежні 1989-га міністар абароны Васіле Міля адмовіўся страляць у мірных пратэстоўцаў у Тымішаары, дыктатар краіны Нікаляе Чаўшэску аддаў загад генэрал-лейтэнанту Віктару Стэнкулеску, і той без ваганьняў ужыў супраць народу зброю — ахвярамі, паводле афіцыйных зьвестак, былі каля тысячы чалавек.
А праз восем дзён Стэнкулеску прызначыў трыбунал, якому спатрэбілася пару гадзінаў, каб асудзіць Чаўшэску на сьмерць. Стэнкулеску асабіста адабраў трох вайскоўцаў, якія і выканалі прысуд. Нікаляе і ягоную жонку Алену Чаўшэску, якая ўплывала на мноства рашэньняў у краіне, расстралялі ля сьцяны салдацкай прыбіральні.
ГЛЯДЗІЦЕ ТАКСАМА: 30 куляў для прэзыдэнта. Як адбылася рэвалюцыя ў Румыніі