Дзень у гісторыі
1595 — складаньне Берасьцейскай уніі.
Прамова Пятра Скаргі, ідэоляга Берасьцейскай уніі, карціна Яна Матэйкі
1791 — расейская імпэратрыца Кацярына II усталявала на новадалучаных тэрыторыях Рэчы Паспалітай «мяжу габрэйскай аселасьці».
1884 — у варшаўскім выданьні «Słowo» зьявіўся першы ўрывак з аповесьці Генрыка Сянкевіча «Патоп».
1937 — у Менску ўводзяцца «Правілы карыстаньня трамваем», іх падпісаў старшыня гарвыканкаму Ванееў. У прыватнасьці, забараняўся праезд асобаў зь вінтоўкамі, а таксама — канвою з арыштаванымі. Гэта значыць, да новых правілаў «ворагаў народу» вазілі ня толькі ў «варанках», але і ў звычайным трамваі.
1953 — расстраляныя Лаўрэнці Берыя і іншыя кіраўнікі савецкіх спэцслужбаў сталінскай пары — Усевалад Мяркулаў, Амаяк Кабулаў, Сяргей Гаглідзэ, Павал Мешык, Уладзімір Дэканозаў, Леў Уладзімірскі.
1963 — Папа рымскі Павал VI падвысіў статус Украінскай грэка-каталіцкай царквы з узроўню мітраполіі да вярхоўнага арцыбіскупства.
1990 — 88,5% удзельнікаў рэфэрэндуму выказаліся за незалежнасьць Славеніі ад Югаславіі.
1991 — дэпутаты БНФ спусьцілі зь лесьвіцы ў ВС Уладзімера Жырыноўскага.
ГЛЯДЗІЦЕ ТАКСАМА: Як дэпутаты БНФ Жырыноўскага зь лесьвіцы спусьцілі2021 — МУС прызнала беларускую службу Радыё Свабода «экстрэмісцкім фармаваньнем».
2021 — арыштаваны Алег Грузьдзіловіч, журналіст Радыё Свабода.
2022 — з Нацыянальнага мастацкага музэю звольнілі 18 супрацоўнікаў.
У гэты дзень нарадзіліся
1786 — Вінцэнт Равінскі, аўтар паэмы «Энеіда навыварат», якая амаль стагодзьдзе лічылася ананімнай. Разгадаў загадку аўтарства літаратуразнаўца Генадзь Кісялёў.
1908 — Міхал Варанецкі, каталіцкі сьвятар, вязень ГУЛАГу.
1922 — Вольга Ладыгіна, архітэктарка.
1955 —Юры Варонежцаў, навуковец-фізык і палітык.
У памяці
1831 — Эмілія Плятэр, беларуская паэтка і фальклярыстка, удзельніца паўстаньня 1831 году. У часе паўстаньня Эмілія стала камандзірам вайсковага аддзелу і памерла ад ранаў, атрыманых падчас бою.
Эмілія Плятэр
ГЛЯДЗІЦЕ ТАКСАМА: Пяць гераіняў гісторыі Беларусі. Падкаст Уладзімера Арлова
1929 — Яўген Алонаў, вэтэрынар, першы рэктар Віцебскага вэтэрынарнага інстытуту.
1944 — у Дрэздэне падчас бамбаваньня гораду загінуў разам зь сям’ёй Iван Лапа, гісторык ВКЛ.
1961 — памёр Лукаш Бэндэ, літаратурны крытык, «майстар аглабельнай крытыкі».