Мяркуецца, што адпаведныя зьмены ўнясуць у Канстытуцыю.
Паводле слоў кіраўніка канстытуцыйнай камісіі Хендрыка Тэраса (партыя Еesti 200), мэта законапраекту — пазбавіць права голасу «грамадзян краін-агрэсараў».
«На дадзены момант абмеркаваньне пакуль не завершанае, удакладняюцца фармулёўкі ў некаторых пытаньнях. Узгодненыя агульныя прынцыпы», — сказаў Тэрас.
У адпаведнасьці з праектам паправак, выбарчае права на мясцовых выбарах захаваюць грамадзянам краін Эўразьвязу і NATO.
Паведамляецца, што раней зьмены падтрымаў прэм’ер-міністар Эстоніі, лідар Партыі рэформаў Крыстэн Міхал.
Чарговыя муніцыпальныя выбары пройдуць у гэтай балтыйскай дзяржаве ў кастрычніку 2025 года.
Пазбаўленьне права голасу грамадзян Беларусі і Расеі абмяркоўваецца ў Эстоніі з 2023 году. Раней была інфармацыя, што гэтае рашэньне можа закрануць каля 69 тысяч беларусаў і расейцаў, якія пастаянна пражываюць у краіне.
ГЛЯДЗІЦЕ ТАКСАМА: Сёлета Эстонія адмовіла 70% расейцаў і беларусаў, якія падалі заяўкі на падаўжэньне лічбавага рэзыдэнцтва ГЛЯДЗІЦЕ ТАКСАМА: У Эстоніі экс-журналістку «Russia Today» судзяць за здраду дзяржаве