Дата дня
1 лістапада 1984 году ў Вільні памёр Пётра Сергіевіч, беларускі жывапісец і графік, мастак-манумэнталіст, адзін з самых значных заходнебеларускіх мастакоў. Заслужаны дзеяч мастацтваў Літвы.
Нарадзіўся ў вёсцы Стаўрова Браслаўскага раёну Віцебскай вобласьці. Большую частку жыцьця пражыў у Вільні.
Пётра Сергіевіч — аўтар галерэі мастацкіх вобразаў славутых сыноў Беларусі, стваральнік сюжэтна-тэматычных і гістарычных твораў («Шляхам жыцьця», «Усяслаў Полацкі», «А хто там ідзе» і інш.). Пісаў гістарычныя кампазыцыі (любімыя героі: Усяслаў Чарадзей, Францішак Скарына, Кастусь Каліноўскі), стварыў шмат партрэтаў сваіх сучасьнікаў (Максім Танк, Адам Станкевіч, Язэп Драздовіч, Уладзіслава Луцэвіч, Вацлаў Іваноўскі і інш.), ствараў фрэскі для касьцёлаў, рабіў ілюстрацыі для кніг і часопісаў, сам выдаваў культуралягічны часопіс «Нёман» (у 1932 г.), дзе выступаў як бліскучы публіцыст і гісторык мастацтва.
Творы Пятра Сергіевіча захоўваюцца ў прыватных і дзяржаўных зборах ЗША, Нямеччыны, Польшчы, Літвы, Расеі, Беларусі.
Пётра Сергіевіч. Валер Урублеўскі і Кастусь Каліноўскі робяць агляд паўстанцаў
Таксама ў гэты дзень
1937 — у Курапатах НКВД расстраляў 11 біскупаў і сьвятароў Беларускай аўтакефальнай праваслаўнай царквы.
1755 — Лісабонскі землятрус, у выніку якога загінулі каля 60 тысячаў чалавек.
1800 — у Вашынгтоне скончылася будаўніцтва Белага дома, афіцыйнай рэзыдэнцыі прэзыдэнта ЗША.
Белы дом
1987 — у Купалаўскім сквэры ў Менску прайшло адзначэньне Дзядоў, арганізаванае аб’яднаньнямі «Тутэйшыя» і «Талака», дзе ўпершыню шырока заявілі пра рэпрэсіі ў БССР.
Анатоль Сыс на Дзядах у сквэры Янкі Купалы ў Менску, 1 лістапада 1987
1992 — у Менску адбыўся першы (устаноўчы) сойм Згуртаваньня беларускай шляхты. Быў прыняты статут і выбрана кіраўніцтва арганізацыі. Старшынём ЗБШ стаў доктар гістарычных навук Анатоль Грыцкевіч.
1993 — уступіла ў сілу Маастрыхцкая дамова, якая паклала пачатак Эўрапейскаму Зьвязу.
У гэты дзень нарадзіліся
1868 — Дзьмітры Даўгяла, беларускі археограф і гісторык.
1873 — Іван Замоцін, беларускі літаратуразнавец.
1890 — Глеб Бонч-Асмалоўскі, антраполяг, археоляг, этнограф, прафэсар, доктар гістарычных навук. Сын «чорнаперадзельцаў» Анатоля і Варвары Бонч-Асмалоўскіх.
1895 — Уладзімер Крыловіч, актор, адзін з заснавальнікаў беларускага тэатру. Заслужаны артыст Беларусі (1931).
1908 — Яўгенія Пфляўмбаўм, паэтка й перакладчыца.
1912 — Янка Золак, беларускі паэт, пэдагог, грамадзкі дзяяч, выдавец на эміграцыі ў ЗША.
1915 — Міхась Кавыль, беларускі паэт, пэдагог, грамадзкі дзяяч у замежжы.
Выданьне паэзіі Міхася Кавыля
1933 — Вячаслаў Адамчык, беларускі пісьменьнік.
Вячаслаў Адамчык
У памяці
1888 — Мікалай Перавальскі (Пржавальскі), расейскі географ і вандроўнік беларускага паходжаньня.
Мікалай Пржавальскі
1893 — Ян Матэйка, польскі мастак.
Люблінская унія. Ян Матэйка
1971 — Міхаіл Ром, савецкі рэжысэр і сцэнарыст.
1972 — Эзра Паўнд, амэрыканскі паэт.
Эзра Паўнд