Будуць зачыненыя консульствы ў Франкфурце, Мюнхэне і Гамбургу. Паводле зьвестак Tagesschau, 32 супрацоўнікі консульстваў павінны будуць пакінуць Нямеччыну, калі ў іх няма нямецкага грамадзянства.
Амбасада Ірану ў Бэрліне працягне працаваць.
У Джамшыда Шармахда было падвойнае грамадзянства Нямеччыны і Ірану, а таксама дазвол на жыхарства ў ЗША. Іранскія ўлады аб’явілі пра яго затрыманьне ў жніўні 2020 году. Шармахда абвінавацілі ў датычнасьці да выбуху ў мячэці ў Шыразе 12 красавіка 2008 году, у выніку чаго загінулі 14 чалавек і больш за 200 атрымалі раненьні. У 2023 годзе Вярхоўны суд Іранцу асудзіў яго да сьмяротнага пакараньня, а 28 кастрычніка 2024 году прысуд прывялі ў выкананьне.
Пасьля пакараньня сьмерцю Джамшыда Шармахда паверанага ў справах Ірану выклікалі ў МЗС Нямеччыны.
«Мы выказалі рашучы пратэст супраць дзеяньняў іранскага рэжыму і пакідаем за сабой права прыняць далейшыя меры», — заявіла ведамства.
Дачка Шармахда Газэль, якая жыве ў ЗША, абвінаваціла Бэрлін і Вашынгтон у тым, што яны кінулі яе бацьку «на ўсіх перамовах па вызваленьні закладнікаў». Яна запатрабавала вяртаньня цела яе бацькі ў ЗША, каб сваякі маглі зь ім разьвітацца.
ГЛЯДЗІЦЕ ТАКСАМА: У Іране арыштавалі колішняга журналіста Радыё Свабода ГЛЯДЗІЦЕ ТАКСАМА: Іранскага рэпэра Таталу асудзілі на 15 гадоў пазбаўленьня волі