22-гадовы Аляксей Коласаў стаў першым брамнікам – ураджэнцам Беларусі, калі ён выйшаў на матч НХЛ у складзе Philadelphia Flyers супраць Montreal Canadiens, піша агенцтва Associated Press.
Коласава паклікалі ў «Флаерз» у суботу ўвечары і ўключылі ў склад каманды ў гульні супраць «Манрэаля». Ён зрабіў 20 сэйваў, але каманда прайграла Montreal Canadiens зь лікам 4:3, што стала сёмым паражэньнем «Флаерз» у васьмі гульнях.
«Я думаю, што ён гуляў добра і зрабіў некалькі вельмі добрых сэйваў», — сказаў пасьля матчу трэнэр «Флаерз» Джон Тартарэла.
Адна з праблем, якую «Флаерз» павінны вырашыць з Коласавым, — гэта камунікацыя. Коласаў не размаўляе па-ангельску, таму часам ён і ягоныя абаронцы не на адной хвалі.
Аляксей Коласаў разьмінаецца перад матчам
Гульня прайшла ў ноч на панядзелак 28 кастрычніка.
Аляксей Коласаў на брамцы Philadelphia Flyers
Галоўнай прычынай выкліку на матч Аляксея стала няўдалая гульня іншых галкіпэраў «Філядэльфіі».
Аляксей Коласаў падчас матчу
Нягледзячы на тое, што каманда Аляксея прайграла 3:4, галоўны трэнэр «Філядэльфіі» станоўча ацаніў дэбют беларуса, што пакідае надзею на наступныя зьяўленьні брамніка ў матчах НХЛ.
Аляксей Коласаў падчас матча
ГЛЯДЗІЦЕ ТАКСАМА: Ягор Шаранговіч паставіў новы рэкорд выніковасьці беларускіх гульцоў у НХЛ ГЛЯДЗІЦЕ ТАКСАМА: У ЗША адбылася крэмацыя цела беларускага хакеіста Канстанціна Кальцова