Натальля Калегава — кіраўніца шэлтэру «Замак» для беларусаў у Вільні і арганізацыі «Дапамога». Разам з мужам у 2021 годзе яны купілі будынак у Вільні.
Цяпер там жывуць уцекачы, былыя палітзьняволеныя зь Беларусі. У вялікай размове са Свабодай Натальля Калегава расказала, што яе матывуе дапамагаць беларусам.
Арганізацыя Dapamoga пачала аказваць падтрымку ўцекачам з Беларусі зь верасьня 2020 году. Першых уцекачоў расьсялялі па Вільні ў апартамэнтах, арандавалі для іх жытло ў прыватных кватэрах, а ўжо потым пачалі сяліць у Замку — катэджы, які належыць сям’і Калегавых.
ГЛЯДЗІЦЕ ТАКСАМА: Віленскі шэлтэр «Замак»: 2000 беларускіх уцекачоў атрымалі дапамогу, сотні занятыя валянтэрствам і добрачыннасьцю. ФОТА