Адзін з іх зафіксаваны ў межах трох лясгасаў: Мілошавіцкага, Жыткавіцкага, Палескага, піша інфармацыйнае агенцтва «Позірк».
Ачаг, як паведамілі ў ведамстве, «зноў разгарнуўся ў журавінавых месцах — на тэрыторыі Рубрынскага лясьніцтва Мілошавіцкага лясгаса». З прычыны моцнага ветру агонь перайшоў на тэрыторыю суседняга лясьніцтва Жыткавіцкага лясгаса і накіраваўся ў бок Палескага лясгаса.
«Каля сотні чалавек і дзясяткі адзінак тэхнікі спрабуюць спыніць агонь. На дапамогу лесьнікам прыляцелі і два барты МНС», — гаворыцца ў рэлізе.
Таксама паведамляецца аб буйным пажары, які ліквідуюць на тэрыторыі Жлобінскага лясгаса.
12 верасьня МНС паведамляла аб тушэньні пажару на тэрыторыі Палескага дзяржаўнага радыяцыйна-экалягічнага запаведніка (ПДРЭЗ) у Хойніцкім раёне Гомельскай вобласьці. Раней больш за 150 чалавек змагаліся з пажарам у Дзянісаўскім лясьніцтве Крупскага лясгаса (Менская вобласць), дзе гарэла балоцістая мясцовасьць.
Паводле інфармацыі Белгідраметцэнтра, 17–19 верасьня на большай частцы тэрыторыі Гомельскай і Магілёўскай абласьцей захаваецца надзвычайная пажарная небясьпека.
ГЛЯДЗІЦЕ ТАКСАМА: Гарыць лес на тэрыторыі Палескага радыяцыйнага-экалягічнага запаведніка