Апытаньне, праведзенае New York Times і каледжам Сіена паказала, што Трамп апярэджвае Гарыс на адзін працэнтны пункт, 48% −47%, і гэтая розьніца знаходзіцца ў межах хібнасьці апытаньня, таму на выбарах 5 лістапада магчымая перамога любога з кандыдатаў, паведамляе Голас Амэрыкі.
Кандыдат у прэзыдэнты ад Рэспубліканскай партыі Дональд Трамп і ягоная суперніца ад Дэмакратычнай партыі віцэ-прэзыдэнтка ЗША c фактычна зраўняліся ў апытаньнях у апошнія тыдні выбараў, сьведчаць вынікі нацыянальнага апытаньня, праведзенага выданьнем New York Times і каледжам Сіена.
Паводле апублікаванага ў нядзелю апытаньня, Трамп апярэджвае Гарыс на адзін працэнтны пункт, 48% супраць 47%, і гэтая розьніца знаходзіцца ў межах хібнасьці апытаньня, што азначае, што на выбарах 5 лістапада магчымая перамога любога з кандыдатаў.
Хоць кампанія Трампа збавіла тэмпы на працягу некалькіх тыдняў пасьля таго, як дзейны прэзыдэнт Джо Байдэн выбыў з гонкі ў ліпені, апошнія апытаньні паказваюць, што ядро ягонай падтрымкі захавалася.
Апытаньне сьведчыць пра тое, што выбарнікі лічаць неабходным даведацца больш пра Гарыс, у той час як іхная думка пра Трампа ў асноўным сфармавалася. Падчас апытаньня 28% імаверных выбарнікаў заявілі, што ім патрэбна дадатковая інфармацыя пра кандыдата ад Дэмакратычнай партыі, у той час як пра Трампа тое ж самае сказалі толькі 9%.
Апытаньне паказвае, што прэзыдэнцкія дэбаты 10 верасьня могуць стаць вырашальным момантам у перадвыбарнай гонцы. У Гарыс будзе магчымасьць больш падрабязна расказаць пра сваю палітыку, якую яна плянуе праводзіць. Гонка настолькі канкурэнтная, што нават нязначная перавага любога з кандыдатаў можа стаць вырашальнай.
- З таго часу, як летам Гарыс зьмяніла Байдэна ў якасьці кандыдата ад Дэмакратычнай партыі, яна актыўна праводзіць выбарчую кампанію, але зводзіць да мінімуму інтэрвію з прадстаўнікамі СМІ.
- Асноўныя паказчыкі апошняга апытаньня падобныя з апошнім супастаўным дасьледаваньнем New York Times / Siena College, апублікаваным у канцы ліпеня. У тым апытаньні Трамп таксама апярэджваў на адзін працэнтны пункт — розьніца ў межах хібнасьці. Апытаньні ў сямі ключавых штатах, якія вагаюцца і, пэўна, вызначаць пераможцу на выбарах, таксама пастаянна паказваюць на тое, што гонка будзе асабліва напружанай.