У вучэньнях удзельнічаюць 25 прадстаўнікоў СМІ.
У Міністэрстве абароны Беларусі паведамілі аб пачатку тактыка-спэцыяльных вучэньняў з прадстаўнікамі сродкаў масавай інфармацыі «Ваенкор-2024».
Як адзначылі ў прэсавай службе Міністэрства абароны, вучэньні праходзяць у адной з вайсковых частак Сіл спэцыяльных апэрацый, куды іх даставілі на вайскова-транспартным верталёце Мі-8-МТВ-5.
У вучэньнях удзельнічаюць 25 прадстаўнікоў СМІ, якіх будуць вучыць навыкам працы ў зоне ўзброенага канфлікту.
У праграме вучэньняў таксама агнявая падрыхтоўка, сувязь і радыёперамовы, рукапашны бой і самаабарона, асновы вайсковай тапаграфіі, інжынэрная, мэдычная і псыхалягічная падрыхтоўка.
ГЛЯДЗІЦЕ ТАКСАМА: У Беларусі расказалі, як рэагуюць на авіяцыю ў памежных раёнах Польшчы і краін Балтыі