Пра гэта паведамляе інфармацыйнае агенцтва «Позірк».
З 33-х новых «экстрэмістаў» знаходзяцца 9 чалавек, 6 зь якіх прызнаныя праваабарончай супольнасьцю палітвязьнямі: Іван Сухамераў, Аляксандр Блізьнец, Ігар Чарнавусаў, Аляксандра Мельнічак, Артур Радзівановіч і Уладзімер Кароткі. Не маюць такога статусу Міхаіл Лазько, Дзьмітры Барабан і Аляксандр Горбель, якія таксама знаходзяцца ў месцах пазбаўленьня волі.
Жыхар Салігорску Прылуцкі, унесены ў сьпіс, знаходзіцца ў вышуку. Падставай для яго ўключэньня ў сьпіс названы прысуд суду Гарадоцкага раёна, які ўступіў у сілу, у сувязі са ўчыненьнем злачынства, прадугледжанага арт. 364 КК (гвалт або пагроза ужываньня гвалту ў дачыненьні да супрацоўніка органаў унутраных спраў). Ён зьяўляўся чальцом страйкаму «Беларуськалія», 5 чэрвеня Сьледчы камітэт пачаў у дачыненьні да яго спэцыяльную вытворчасьць.
Насупраць астатніх 23 асобаў, унесеных сёньня ў сьпіс «экстрэмістаў», стаіць адзнака «судзімасьць не пагашана», выглядае, што яны знаходзяцца на волі.
ГЛЯДЗІЦЕ ТАКСАМА: Полк «Пагоня» і групу спартоўцаў прызналі «экстрэмісцкім фармаваньнем»Таксама сёньня сьпіс «экстрэмісцкіх фармаваньняў» МУС папоўніўся палком «Пагоня».