«Я і ўявіць нават не магла, што такое яны правядуць», — заявіла Цатыева сёньня ў камэнтары DW.
Адразу пасьля рашэньня суду, па якім Красікаў быў прысуджаны да пажыцьцёвага зьняволеньня, хадзілі чуткі аб спробах Масквы дамовіцца аб абмене Красікава, адзначыла суразмоўніца DW.
«Тады адвакаты нас супакоілі, сказалі, што гэта немагчыма: калі даюць пажыцьцёвае зьняволеньне, то хаця б паўтэрміну, гэты чалавек павінен правесьці тут, у краіне», — растлумачыла яна.
ГЛЯДЗІЦЕ ТАКСАМА: Канцлер Нямеччыны назваў сустрэчу зь вязьнямі зь Беларусі і Расеі кранальнаю. Курмашава, Гершковіч і Ўілан ужо ў ЗША«Аказваецца, можна любыя законы занядбаць дзеля палітычных подбівак», са шкадаваньнем дадала Цатыева. «Чалавек — забойца. Калі б, дзе б ён ні быў выпушчаны, ён наўрад ці будзе жыць сумленна, добрасумленна, калі столькі грахоў за сьпіной», — дадала яна.
У той жа час сям’і Хангашвілі «ня крыўдна, што нечыя жыцьці выратаваны». Размова ідзе аб маштабным абмене зьняволенымі паміж Расеяй і краінамі Захаду, у рамках якога афіцэр ФСБ вярнуўся ў РФ.
Пры гэтым суразмоўніца DW выказала зьдзіўленьне тым, што афіцыйныя асобы не кансультаваліся са сваякамі забітага па пытаньні ўдзелу Красікава ў працэдуры абмену. «Чаму хаця б не пытаюцца ў сямʼі? Як быццам гэтай сямʼі няма, як быццам гэтая траўма не нанесеная», — растлумачыла Цатыева. У адносінах да блізкіх загінулага трэба было праявіць «элемэнтарную павагу», перакананая яна. «Палітыка — самая вялікая прастытуцыя, жыцьцё кожны раз гэта даказвае», рэзюмавала ўдава Ханзашвілі.
ГЛЯДЗІЦЕ ТАКСАМА: Нямеччына абвінаваціла расейскі ўрад у заказным забойстве ў БэрлінеБэрлін назваў нялёгкім рашэньне па Красікаву
Між тым канцлер Нямеччыны Оляф Шольц раней назваў абмен Красікава «правільным рашэньнем». А міністарка замежных справаў Аналена Бэрбак прызнала, што рашэньне аб яго выдачы «не было лёгкім ні для аднаго чальца ўраду» ФРН.
Па зьвестках газэты Frankfurter Allgemeine Zeitung, на вызваленьні настаяў міністар юстыцыі Нямеччыны Марка Бушман, які даў распараджэньне генпракурору Енсу Ромэлю. Фэдэральная пракуратура была супраць і настойвала, што памілаваньне павінен зацьвердзіць прэзыдэнт краіны. У выніку пракуроры падпарадкаваліся ўказаньню кіраўніка Мінюсту, хоць у ведамстве «пануе расчараваньне».
ГЛЯДЗІЦЕ ТАКСАМА: «Нас ніхто не пытаўся». Перад абменам Кара-Мурза і Яшын адмовіліся падпісваць прашэньне аб памілаваньні ПуцінуЗабойства чачэнца ў Тыргартэне
Абвешчаны Расеяй у вышук па абвінавачаньні ў тэрарызьме Зэлімхан Хангашвілі быў застрэлены ў бэрлінскім парку Малы Тыргартэн 23 жніўня 2019 года. Вадзім Красікаў з дакумэнтамі на імя Вадзіма Сакалова быў затрыманы ў нямецкай сталіцы ў той жа дзень.
Працэс у справе пачаўся ў кастрычніку 2020 году і доўжыўся больш за год. У сьнежні 2021 года падсудны быў прыгавораны да пажыцьцёвага пазбаўленьня волі. Вышэйшы зямельны суд Бэрліна палічыў даказанай тэзу абвінавачаньня аб тым, што Красікаў забіў Хангашвілі на загад уладаў РФ.