«Цярпеньне, падтрымка і дыпляматычны ціск – тры фактары для справядлівага спыненьня вайны (з Расеяй)», – заявіў прэзыдэнт Украіны японскаму тэлеканалу.
«Калі ЗША і эўрапейскія краіны захаваюць адзінства, гэта будзе (праявай) дадатковага ціску. Гэта пакажа Маскве, што ў яе няма шанцаў», – дадаў Уладзімір Зяленскі.
Пры гэтым кіраўнік украінскай дзяржавы падкрэсьліў, што ня можа станоўча рэагаваць на заклікі да спыненьня агню, пакуль Расея ўсё яшчэ акупуе частку ўкраінскай тэрыторыі. Ён паведаміў, што Кіеў пачынае дэталёвыя перамовы з трэцімі краінамі, у прыватнасьці, у наступных пытаньнях: тэрытарыяльнай цэласнасьці Украіны з мэтай распрацоўваньня пляну дзеяньняў дзеля ўсталяваньня міру.
«Я даручыў гэтую задачу адміністрацыі прэзыдэнта і дыпляматычным камандам. Плян будзе гатовы да канца лістапада», – заявіў прэзыдэнт Зяленскі.
ГЛЯДЗІЦЕ ТАКСАМА: Ва Ўкраіне зьліквідавалі канал увозу падробленых беларускіх лекаў