Дзень у гісторыі
1792 — завяршыўся Чатырохгадовы Сойм Рэчы Паспалітай, найвялікшым дасягненьнем якога лічыцца прыняцьце Канстытуцыі 3 траўня
1810 — Нідэрлянды ўключаныя ў склад Францыі.
1894 — Карэя абвясьціла незалежнасьць ад Кітаю.
1898 — у Віцебску пачаўся трамвайны рух.
1905 — Альбэрт Эйнштэйн апублікаваў артыкул, у якім выклаў спэцыяльную тэорыю адноснасьці.
1908 — падзеньне Тунгускага мэтэарыту.
1934 — «Ноч доўгіх нажоў» у Трэцім Райху, зьнішчэньне кіраўнікоў штурмавых атрадаў (СА) нацысцкай партыі.
1944 – у ноч на 30 чэрвеня зьнішчаны Калдычэўскі лягер сьмерці (Баранавіцкі раён). Немцы расстралялі вязьняў (2 тысячы чалавек; астатніх 300 вывезьлі ў Нямеччыну).
1956 — у газэтах у СССР апублікаваная пастанова ЦК КПСС «Аб пераадоленьні культу асобы і яго наступстваў».
ХХ зьезд КПСС, на якім Мікіта Хрушчоў выступіў з крытыкай «культу асобы» Іосіфа Сталіна, 1956 год.
1984 — адкрыўся рэгулярны рух на першай лініі Менскага мэтрапалітэну.
Валерыя Касьцюгова
2021 – арыштавалі паліталягіню Валерыю Касьцюгову. Разам з супрацоўніцай ЭГУ Тацянай Кузінай іх асудзяць на 10 гадоў турмы
Вольга Сінялёва
2021 – у Менску на два гады «хатняй хіміі« асудзілі Вольгу Сінялёву за тое, што адмовілася здаваць кватэру намесьніцы пракурора Аліне Касьянчык, вядомай сваім удзелам у палітычных працэсах
У гэты дзень нарадзіліся
1911 — Чэслаў Мілаш, польскі паэт, празаік, эсэіст, ляўрэат Нобэлеўскай прэміі 1980 году.
1965 – Лявон Юрэвіч, літаратуразнавец, крытык, бібліёграф, архівіст, грамадзкі дзяяч.
У памяці
1959 — Павал Растаргуеў, філёляг, вязень ГУЛАГу.
1969 — Міхайла Грамыка, беларускі пісьменьнік і навуковец.
1993 — Міхась Мельнікаў, беларускі краязнаўца.
2010 — Уладзімер Ісаенка, беларускі археоляг. Ісаенка стаў адкрывальнікам археалёгіі беларускага Палесься, асноўным дасьледчыкам каменнага веку.
2012 — Іцхак Шамір, прэм’ер-міністар Ізраілю. Нарадзіўся ў мястэчку Ружаны на Берасьцейшчыне.