У Іране пасьля гібелі Раісі прызначылі часовага прэзыдэнта і абвясьцілі пяцідзённую жалобу

Пра гэта паведамляе афіцыйнае іранскае агенцтва IRNA.

Хамэнэі таксама абвясьціў у краіне пяцідзённую жалобу.

У Лібане, дзе моцныя пазыцыі праіранскай групоўкі «Хезбала», аб’яўлена трохдзённая жалоба. Пра скаргу таксама заявілі ў Пакістане.

Свае спачуваньні ў сувязі са сьмерцю Раісі выказала і расейскае кіраўніцтва. Прэзыдэнт РФ Уладзімір Пуцін заявіў, што «назаўсёды захавае сьветлую памяць» пра Раісі і назваў яго «сапраўдным сябрам Расеі».

Аляксандар Лукашэнка назваў загінулага прэзыдэнта «сябрам Беларусі». Спачуваньні выказалі кіраўнікі іншых краін, якія займаюць блізкія іранскай пазыцыі на міжнароднай арэне, напрыклад, Сырыі і Вэнэсуэлы. Ад імя Кітаю выказаў «глыбокі смутак» кіраўніка МЗС КНР Ван І.

Свае спачуваньні выказалі суседзі Ірану — Турэччына, Азэрбайджан, Армэнія, Ірак.

Старшыня Эўрапейскай рады Шарль Мішэль ад імя ЭЗ выказаў «глыбокія спачуваньні родным» у сувязі з гібельлю прэзыдэнта Ірану і ўсіх васьмі чалавек, якія знаходзіліся ў верталёце.

Злучаныя Штаты Амэрыкі, якія ня маюць дыпляматычных адносін зь Іранам, пакуль афіцыйна не пракамэнтавалі сьмерць Раісі.

Ізраіль адмаўляе сваю датычнасьць да сьмерці Раісі. «Гэта ня мы», — цытуе Reuters неназванага ізраільскага чыноўніка.

Раісі быў вядомы як жорсткі праціўнік Ізраіля, існаванне якога Тэгеран не прызнае. Іран падтрымлівае радыкальныя ісламісцкія групоўкі, варожыя Ізраілю. У красавіку Іран нанёс беспрэцэдэнтны ўдар непасрэдна па тэрыторыі Ізраіля, запусьціўшы сотні беспілётнікаў і ракет у адказ на забойства высокапастаўленага іранскага ваеннага чыноўніка. Пераважная большасьць дронаў і ракет была зьбітая Ізраілем і яго саюзьнікамі.

Прэзыдэнт Ірана Ібрагім Раісі і яго спадарожнікі, у тым ліку міністар замежных справаў, былі знойдзеныя мёртвымі на месцы крушэньня верталёта на паўночным захадзе Ірану.

Ібрагім Раісі стаў прэзыдэнтам Ірана ў 2021 годзе. Ён лічыўся прыхільнікам жорсткай лініі як у зьнешняй, гэтак і ва ўнутранай палітыцы.