У палку імя Кастуся Каліноўскага паведамілі, што Галоўнае ўпраўленьне выведкі Міністэрства абароны Ўкраіны адзначыла сваім ведамаснымі ўзнагародамі беларускіх добраахвотнікаў, якія ваююць у батальёнах «Літвін» і «Волат», а таксама ў падразьдзеле апэратараў бесьпілётнікаў імя Мікіты Крыўцова.
У паведамленьні не называюць імёнаў узнагароджаных. Вайсковая выведка перадала камандаваньню палка імя Каліноўскага 24 узнагароды: 11 мэдалёў «Україна — понад усе!», 5 — «За бойові заслуги», 6 — «За мужність при виконанні спецзавдань» і 2 — «Почесна відзнака».
Раней прэзыдэнт Украіны Ўладзімір Зяленскі ўручыў ордэны «За мужність» III ступені беларусам, якія ваююць пад пазыўнымі «Стэн», «Север», «Булак» i «Бес».
ГЛЯДЗІЦЕ ТАКСАМА: Пад Кіевам усталявалі памятную шыльду ў гонар загінулага каліноўца Аляксея СкобліУ красавіку 2022 году званьне Героя Ўкраіны пасьмяротна прысвоілі беларускаму добраахвотніку Аляксею Скоблю, які загінуў 13 сакавіка 2022 году, прыкрываючы адыход сваіх байцоў пад Кіевам. Яго пахавалі ў Кіеве. Ён меў украінскае грамадзянства.
У траўні 2023 году Ўладзімір Зяленскі ўзнагародзіў пасьмяротна Эдуарда Лобава і Данііла Ляшука ордэнам Мужнасьці трэцяй ступені.
ГЛЯДЗІЦЕ ТАКСАМА: Зяленскі ўзнагародзіў ордэнам Мужнасьці двух беларускіх добраахвотнікаў, якія загінулі ва Ўкраіне