Падрабязнасьці расказалі ў Сьледчым камітэце.
За год зь невялікім бухгальтарка з Баранавічаў вывела з рахункаў некалькіх юрыдычных асоб і індывідуальных прадпрымальнікаў 484 тысяч рублёў. Як высьветліў Сьледчы камітэт, 28-гадовая жанчына пакутавала на гульнявую залежнасьць.
З 2022 году, выкарыстоўваючы прамы доступ да рахункаў кліентаў, яна здымала зь іх грошы, якія прагульвала ў онлайн-казіно. Залежнасьць была настолькі моцная, што часам жанчына гуляла ўсю ноч, трацячы на сон толькі каля дзьвюх гадзін.
У ходзе расьсьледаваньня высьветлілася, што раней яна пазычыла ў двух знаёмых 13 тысяч рублёў, якія пасьля таксама прагуляла ў казіно.
У выніку гульняманцы прад’явілі абвінавачаньне па двух артыкулах Крымінальнага кодэксу, а саму яе ўзялі пад варту.
ГЛЯДЗІЦЕ ТАКСАМА: У Эўропе затрымалі падазраваных у выкраданьні каштоўных кніг зь бібліятэк