Лясы ў гэтых раёнах забаронена наведваць з 5 траўня, ім прысвоена 4-я кляса пажарнай небясьпекі («высокая пажарная небясьпека»).
Усяго клясаў небясьпекі пяць, самая высокая 5-я сьведчыць аб «надзвычайнай» пагрозе ўзгараньня.
У 111 раёнах наведваньне лясоў абмежаванае.
Няма абмежаваньняў на наведваньне лясоў у Акцябрскім раёне Гомельскай вобласьці, Бярэзінскім — Менскай, Шклоўскім — Магілёўскай.
4 траўня Мінлясгас паведаміў аб ліквідацыі пяці ўзгараньняў у Магілёўскай і Горадзенскай абласьцях на агульнай плошчы 1,5 га.
Увядзеньне адпаведных абмежаваньняў — адказнасьць райвыканкамаў. У кожным раёне прымяняюцца свае захады абмежавальнага характару (час наведваньня, уезд на транспарце, асобныя ўчасткі ляснога фонду).
Пры абмежаваньні (жоўты ўзровень) дазваляецца наведваньне лясоў, але не на аўтатранспарце і без запальваньня агню. Пры забароне (чырвоны ўзровень) лес наведваць нельга.
ГЛЯДЗІЦЕ ТАКСАМА: Хвалі сьпёкі ў Эўропе робяцца ўсё часьцейшымі. Навукоўцы называюць некалькі прычынаў