Агенцтва Reuters паведаміла, што сёньня, 28 красавіка, амэрыканскі мільярдэр Ілан Маск прыляцеў у Пэкін. Пра гэты візыт раней не паведамлялася.
Паводле крыніцы Reuters, Маск сустрэнецца з высокімі афіцыйнымі асобамі Кітаю, каб абмеркаваць запуск праграмы для аўтаномных аўтамабіляў, а таксама дазвол выкарыстоўваць па-за межамі Кітаю, сабраныя там дадзеныя.
Дзяржаўныя кітайскія мэдыі паведамілі пра сустрэчу Маска з прэм’ер-міністрам Кітаю Лі Цянам. Маск пацьвердзіў сустрэчу ў сваёй сацыяльнай сетцы X, напісаўшы: «Для мяне гонар сустрэцца з прэмʼерам Лі Цянам. Мы ведаем адно аднаго шмат гадоў, ад першых дзён у Шанхаі».
Honored to meet with Premier Li Qiang.We have known each other now for many years, since early Shanghai days. pic.twitter.com/JCnv6MbZ6W
— Elon Musk (@elonmusk) April 28, 2024
У 2018 годзе кампанія Маска Tesla дамовілася з кітайскімі ўладам пра завод у Шанхаі — свой першы завод па-за межамі ЗША. Чатыры Гады таму Tesla апусьціла праграму цалкам аўтаномнага кіраваньня аўтамабілем (FSD), але яна дагэтуль недаступная ў Кітаі, хоць гэта другі па памеры рынак ў сьвеце для кампаніі.
Раней у гэтым месяцы Маск адказаў на пытаньне ў сацыяльнай сетцы Х, напісаўшы, што FSD будзе даступнае для кліентаў у Кітаі «вельмі хутка».
ГЛЯДЗІЦЕ ТАКСАМА: Пасьля «Тэслы ад Маска» Лукашэнка заявіў, што BMW падарыў яму аўтамабіль. У BMW адказалі