Аднак Сольскаму далі магчымасьць унесьці заклад у памеры больш за 75 мільёнаў грыўняў ($1,9 млн). Міністэрства паведаміла ў сваім тэлеграм-канале, што за Сольскага ўнесьлі заклад, ён вызвалены і працягвае выконваць абавязкі міністра. Абарона міністра таксама адзначыла, што ў цэлым ня згодная з рашэньнем суду і можа яго абскардзіць, як толькі атрымае поўны тэкст пастановы.
44-гадовы Мікола Сольскі адмаўляе віну і абяцае супрацоўнічаць са сьледзтвам. У чацьвер Сольскі падаў прашэньне аб адстаўцы з пасады міністра. Тэкст апублікаваў у фэйсбуку сьпікер парлямэнту Руслан Стэфанчук.
ГЛЯДЗІЦЕ ТАКСАМА: Літва высылае колішняга «загадчыка гаспадаркі» Януковіча. Украіна яго не вышуквалаНацыянальнае антыкарупцыйнае бюро Ўкраіны раней на гэтым тыдні заявіла, што былы кіраўнік аграрнага камітэту Вярхоўнай Рады, дзейны міністар, мог удзельнічаць у незаконным прысваеньні дзяржаўнай зямлі коштам каля 300 мільёнаў грыўняў (больш за 7 мільёнаў даляраў) і ў спробе атрымаць іншы зямельны ўчастак яшчэ больш як на 190 мільёнаў грыўняў ($5 млн).