Падчас сустрэчы палітыкі абмеркавалі сытуацыю ў Беларусі і рэгіёне, згадалі апошнюю сустрэчу ў Атэнах, пасьля якой адбыўся інцыдэнт з захопам самалёта.
Бакі таксама абмеркавалі шляхі прыцягненьня Менску да адказнасьці за «выкраданьне ўкраінскіх дзяцей і злачынствы супраць чалавечнасьці», адзначыў Вячорка.
Акрамя гэтага, паводле яго слоў, абмяркоўваліся праблемы легалізацыі беларусаў у Грэцыі, «дакумэнты і пратэрмінаваныя пашпарты», а таксама праграмы рэабілітацыі для дзяцей рэпрэсаваных.
12 красавіка Ціханоўская таксама правяла сустрэчу з мэрам Атэнаў Харысам Дукасам, зь якім абмеркавала «ініцыятывы культурнай дыпляматыі, у тым ліку рэзыдэнцыі для беларускіх творцаў, стажыроўкі для „Кадравага рэзэрву“, падтрымку сумленнага беларускага бізнэсу, арганізацыю выставаў і беларуска-грэцкія мерапрыемствы». Ціханоўская зьвярнулася да мэра з просьбай падтрымліваць беларускую дыяспару ў Атэнах.
Ціханоўская наведвае Грэцыю 11–12 красавіка.
23 траўня 2021 году беларускія ўлады арганізавалі вымушаную пасадку ў Менску самалёта Ryanair, што ляцеў з Атэнаў у Вільню. На борце знаходзіліся апазыцыйны на той момант блогер Раман Пратасевіч і яго сяброўка Сафія Сапега. Іх затрымалі, асудзілі, але потым яны былі памілаваныя.
ГЛЯДЗІЦЕ ТАКСАМА: Ціханоўская перадала экс-прэм’еру Грэцыі копіі дакумэнтаў пра ягонага прадзеда, удзельніка паўстаньня Каліноўскага