Зьмены адбудуцца з 1 красавіка.
Урад прыняў пастанову, паводле якой базавая арэндная велічыня вырасьце зь цяперашніх 16,9 рубля да 17,76 рубля. Такім чынам, павышэньне адбудзецца на 86 капеек. Пра гэта ўлады афіцыйна абвясьцілі праз Нацыянальны прававы партал.
Базавая арэндная велічыня — сума, якую выкарыстоўваюць для разьліку арэнднай платы за нерухомасьць, якая знаходзіцца ў дзяржаўнай уласнасьці.
Памер базавай арэнднай велічыні з 1 красавіка вызначае Савет міністраў з улікам зьмяненьня індэксу спажывецкіх цэнаў за год адносна папярэдняга.
У 2022-м базавую арэндную велічыню зьменшылі з 17,85 да 16,9 рубля.
ГЛЯДЗІЦЕ ТАКСАМА: Беларусь чакае запаволеньне эканамічнага росту, — Анастасія Лузгіна ГЛЯДЗІЦЕ ТАКСАМА: Якіх эканамічных рэформаў хочуць беларусы — дасьледаваньне Beroc