16 траўня ў Арбітражным судзе Краснадарскага краю будуць разглядаць пазоў прадпрыемства «Сочыцеплаэнерга» да санаторыя «Беларусь», разьмешчанага ў Сочы, паведамляе ТАСС са спасылкай на сайт электроннага судаводзтва РФ. Уладальнік санаторыю — кіраўніцтва спраў Аляксандра Лукашэнкі.
Як сьцьвярджаецца, санаторый з 2011 да 2023 году завінаваціўся за электраэнэргію 129,4 тысяч расейскіх рублёў. Прытым пеня за гэты час дасягнула 156,8 тысяч рублёў, таму агульная сума, якую «Сочыцеплаэнэрга» хоча спагнаць з санаторыю, складае 286,2 тысяч расейскіх рублёў (каля 3,12 тысячы даляраў).
Санаторый «Беларусь» мае тры зоркі, тут ёсьць сем нумароў катэгорыі «апартамэнты», 12 — «люкс», 225 — «першай катэгорыі».
Побач з санаторыем разьмешчаная сочынская рэзыдэнцыя Лукашэнкі, у якой ён спыняецца падчас візытаў у паўднёвыя рэгіёны Расеі.
ГЛЯДЗІЦЕ ТАКСАМА: Кіраўніцтва спраў Лукашэнкі распрадае элітныя апартамэнты ў Сочы ГЛЯДЗІЦЕ ТАКСАМА: Былы дырэктар санаторыя «Беларусь» у Сочы Саракашыш вызвалены па памілаваньні? ГЛЯДЗІЦЕ ТАКСАМА: Затрымалі былога галоўнага доктара санаторыя «Беларусь». Падазраюць у шпіянажы на карысьць Літвы