Рашэньні кампаніі Kaspersky дапамаглі спыніць і перадухіліць 3,3 млн фішынгавых атак у Беларусі. Як паведамілі Office Life у офісе кампаніі, мэсэнджары і сацыяльныя сеткі аказаліся сярод найбольш папулярных каналаў для распаўсюджваньня фішынгавых схем.
Зламысьнікі таксама выкарыстоўвалі тэму крыптавалютных біржаў і прыцягвалі ўвагу да чат-ботаў, ствараючы падробленыя рэсурсы з удаваным функцыяналам. Некаторыя з гэтых чат-ботаў нават выкарыстоўваліся праломнікамі для напісаньня тэкстаў пры падрыхтоўцы мэтавых нападаў.
ГЛЯДЗІЦЕ ТАКСАМА: «Усяго за 20 эўра». Ашуканцы прыдумалі новую схему, разьлічаную на «экстрэмістаў»Ашуканцы не пакінулі правераных мэтадаў, уключаючы адаптацыю фішынгавых схемаў пад актуальныя навіны, такія як кінапрэм’еры, чаканыя выпускі, спартовыя і культурніцкія падзеі, прапаноўваючы нібы доступ да навінак па выгаднай цане або крыху раней.
Зьміцер Кудрэвіч, прадстаўнік Kaspersky у Беларусі, падкрэсьлівае, што «фішынг застаецца адной з асноўных пагроз у лічбавым сьвеце, пры гэтым зламысьнікі не зьніжаюць сваёй актыўнасьці». Ён нагадвае, што важна правяраць інфармацыю перад пераходам па спасылцы і не перадаваць свае асабістыя дадзеныя пабочным асобам ні ў асабістых паведамленьнях, ні на сеціўных рэсурсах.
ГЛЯДЗІЦЕ ТАКСАМА: Махляры скралі асабістыя дадзеныя мільёна беларусаў. Разьбіраемся, чым гэта пагражае