Паводле крымінальных артыкулаў былі асуджаныя не меней за 1030 жанчын, зь іх мінімум 242 — на тэрмін у калёніі. На гэты момант у месцах увязьненьня трымаюць 170 палітзьняволеных жанчын.
«Вясна» падрыхтавала да Міжнароднага дня правоў жанчын фільм пра былую палітзьняволеную Дар’ю Кароль, якую трымалі на «Валадарцы» за ўдзел у акцыях пратэсту чатыры месяцы. Яна расказала сваю гісторыю ў Музэі выклятых жаўнераў і палітычных вязьняў часоў Польскай народнай рэспублікі ў Варшаве, створаным у будынку палітычнай вязьніцы камуністычнага часу. Яе ўмовы вельмі падобныя на менскі СІЗА-1.
На прыкладзе асабістай гісторыі Дарʼі у фільме расказваецца, у якіх умовах трымаюць палітзьняволеных жанчын у Беларусі, што яны перажываюць і зь якімі пачуцьцямі пераносяць цяжкае выпрабаваньне.
ГЛЯДЗІЦЕ ТАКСАМА: У Беларусі з 2020 году пад палітычны перасьлед трапілі 8000 жанчын ГЛЯДЗІЦЕ ТАКСАМА: Ціханоўская: «8 сакавіка — гэта нагода гучна заявіць: гвалт недапушчальны»