Выявы замяніліся нават у старых паведамленьнях, піша партал «Люстэрка».
Калі выбраць у паведамленьнях сымбаль-эмоджы са сьцягам Беларусі, то на экране адлюструецца чырвона-зялёны сьцяг, хаця яшчэ нядаўна ён аўтаматычна замяняўся на анімаваны бел-чырвона-белы. Больш за тое, абраць анімаваны сьцяжок цяпер наогул немагчыма.
Выявы сьцягоў памяняліся на чырвона-зялёны нават у старых паведамленьнях, напрыклад, у пабліках незалежных СМІ і іншых рэсурсаў.
ГЛЯДЗІЦЕ ТАКСАМА: Сілавікі прымусілі ўдзельніцу пратэстаў на камэру цалаваць чырвона-зялёны сьцяг25 жніўня 2020 году на знак пратэсту супраць фальсыфікацыі выбараў у Беларусі Telegram у наборы эмоджы памяняў чырвона-зялёны дзяржаўны сьцяг Беларусі на нацыянальны бел-чырвона-белы.
Пасьля гэтага карыстальнікі не маглі адправіць суразмоўцу афіцыйны сьцяг краіны самастойным паведамленьнем. Пры гэтым бел-чырвона-белы сьцяг адлюстроўваўся ў большым памеры, чым сьцягі іншых дзяржаваў, быў анімаваны.
ГЛЯДЗІЦЕ ТАКСАМА: Павал Дураў заявіў, што Telegram і надалей будзе блякаваць беларускія праўладныя каналы