Сярод іх дзяячкі навукі, культуры і спорту, грамадзянскія актывісткі. На думку Time, іх аб’ядноўвае тое, што яны будуюць лепшую будучыню для жанчын і грамадзтва і ўласным прыкладам паказваюць, якім яна можа быць.
У сьпіс увайшла актрыса і кінарэжысэрка Грэта Гервіг, чый фільм «Барбі» — сатыра на грамадзтва спажываньня — стаў адным з самых касавых у 2023 годзе, а сёлета вылучаны на прэмію «Оскар» у шасьці намінацыях. Яшчэ адна дзяячка кіно ў сьпісе — акторка Тараджы Хенсан, якая змагаецца за роўную аплату акторскай працы мужчын і жанчын і рэгулярна падымае тэму няроўнасьці заробкаў у Галівудзе.
ГЛЯДЗІЦЕ ТАКСАМА: Апублікаваны поўны сьпіс намінантаў на кінапрэмію «Оскар». Хто там, акрамя «Барбі» і «Апэнгеймэра»?У пераліку прысутнічае ляўрэатка Нобэлеўскай прэміі 2023 году ў эканоміцы Кляўдыя Голдын: яе дасьледаваньні прысьвечаныя ролі жаночай працы ў эканоміцы і таму, як гэтая роля зьмяняецца з ходам гісторыі. Іншая навукоўца — генэтык Марлена Фейза — дасьледавала таксыкоз цяжарных і высьветліла, што ён залежыць ад генэтычнай схільнасьці.
Аўтары сьпісу адзначылі намаганьні жанчын-актывістак Ізраілю і Палестыны, якія разам выступаюць за мір.
Агулам у сьпісе 12 кандыдатур. Свой выбар часопіс Time абʼявіць на цырымоніі ў Лос-Анджэлесе ў пачатку сакавіка. Сакавік у многіх краінах абʼяўлены грамадзкімі людзьмі месяцам жаночай гісторыі.
ГЛЯДЗІЦЕ ТАКСАМА: Ад Соні Гандзі да Сьвятланы Ціханоўскай і Юліі Навальнай. Гісторыі жонак палітыкаў, якія працягнулі справу мужоў ГЛЯДЗІЦЕ ТАКСАМА: Пазьняк назваў Навальную праектам «кухарка-2». Як на гэта зрэагавалі вядомыя жанчыны Беларусі