Урад Літвы падтрымаў ініцыятыву Нацыянальнага цэнтру кіраваньня крызіснымі сытуацыямі аб закрыцьці яшчэ двух пунктаў пропуску на мяжы зь Беларусьсю.
Як паведаміла выданьне delfi.lt, праца двух памежных пераходаў — «Райгорад» і «Лаварышкі» — будзе спынена 1 сакавіка.
Праз гэтыя пункты пропуску спыняць рух пешаходаў і транспарту.
Адкрытымі застануцца пункты пропуску «Меднікі» і «Салечнікі», але на іх зь вясны таксама абмяжуюць рух пешаходаў і веласіпэдыстаў.
Урад таксама пагадзіўся паступова скарачаць колькасьць дазволаў на ажыцьцяўленьне пасажырскіх перавозак літоўскім і беларускім перавозчыкам. Апроч таго, абмяжуюць пасадку і высадку пасажыраў на чыгуначнай станцыі «Кена».
ГЛЯДЗІЦЕ ТАКСАМА: Літва разглядае магчымасьць закрыцьця яшчэ двух памежных пунктаў на мяжы зь БеларусьсюКіраўнік Нацыянальнага цэнтру кіраваньня крызіснымі сытуацыямі Літвы Вілмантас Віткаўскас 6 лютага паведаміў пра ініцыятыву з 1 сакавіка закрыць на мяжы зь Беларусьсю яшчэ два памежныя пераходы — «Райгорад» і «Лаварышкі».
Супраць гэтай ініцыятывы выступілі Сьвятлана Ціханоўская і мясцовыя ўлады тых тэрыторый, дзе знаходзяцца гэтыя пункты пропуску.
18 жніўня 2023 году Літва закрыла пункты пропуску Шумск/Лоша і Відзы/Цьверач.
ГЛЯДЗІЦЕ ТАКСАМА: Улады памежных зь Беларусьсю рэгіёнаў Літвы выступілі супраць закрыцьця яшчэ двух кантрольных пунктаў на мяжы ГЛЯДЗІЦЕ ТАКСАМА: «Ня трэба будаваць жалезную заслону». Ціханоўская супраць закрыцьця Літвой памежных пераходаў зь Беларусьсю ГЛЯДЗІЦЕ ТАКСАМА: Прэзыдэнт Літвы пра закрыцьцё яшчэ двух пунктаў пропуску на мяжы зь Беларусьсю: жалезная заслона ўжо ёсьць