ЗША нанесьлі пяць удараў па кантраляваных фармаваньнямі хусітаў рэгіёнах Емэну. Пра гэта паведаміла ў нядзелю Цэнтральнае камандаваньне (CENTCOM).
«У суботу нанесеныя ўдары па трох мабільных супрацькарабельных крылатых ракетах, адным бесьпілётным падводным судне і адным надводным марскім бесьпілётніку».
У паведамленьні CENTCOM адзначаецца, што ўпершыню з моманту пачатку нападаў 23 кастрычніка ў хусітаў выявілі бесьпілётныя падводныя апараты. А ракеты і судны ўяўлялі сабой непасрэдную пагрозу для караблёў ВМС ЗША і камэрцыйных суднаў, лічаць у Злучаных Штатах.
Напады хусітаў у акваторыі Чырвонага мора сталі адной з прыкметаў разрастаньня чарговага блізкаўсходняга канфлікту.
Сутыкнуўшыся з пагрозай нападаў, буйныя суднаходныя кампаніі ў асноўным адмовіліся ад гэтага найважнейшага гандлёвага маршруту на карысьць больш працяглых маршрутаў вакол Афрыкі. Гэта прывяло да павелічэньня выдаткаў і росту асьцярог з нагоды глябальнай інфляцыі.
ГЛЯДЗІЦЕ ТАКСАМА: ЗША і Брытанія нанесьлі новыя сумесныя ўдары па хусітах у Емэне ГЛЯДЗІЦЕ ТАКСАМА: Што трэба ведаць пра хусітаў, атакі кааліцыі ЗША на іх цэлі ў Емэне і праблему суднаходзтва ў Чырвоным моры