Аляксандр Паўлюк, раней намесьнік міністра абароны, прызначаны кіраўніком Сухапутных войскаў замест Аляксандра Сырскага, які раней зьмяніў Залужнага на пасадзе галоўнакамандуючага УСУ.
З пасады камандуючага Аб’яднаных сіл зьняты генэрал Сяргей Наеў, на яго месца прызначылі Юрыя Содаля. Наеў заявіў, што пра сваё звальненьне даведаўся са СМІ.
ГЛЯДЗІЦЕ ТАКСАМА: Камандуючы ўкраінскімі Аб’яднанымі сіламі кажа, што пра звальненьне з пасады даведаўся са СМІДэсантна-штурмавыя войскі замест Максіма Міргародзкага ўзначаліць Ігар Скібюк, а сілы Тэрытарыяльнай абароны — Ігар Плахута замест Анатоля Баргілевіча, які раней узначаліў Генэральны штаб. Ва ўкраінскім Цэнтры супрацьдзеяньня карупцыі нагадалі, што 10 гадоў таму Плахута ўзначальваў Паўднёвае тэрытарыяльнае камандаваньне ўнутраных войскаў МУС і ўдзельнічаў у спробах зачысткі Майдану.
Зяленскі пакуль не пракамэнтаваў кадравыя перастаноўкі, якія праходзяць на фоне спроб расейскіх войскаў наступаць на многіх участках фронту, у прыватнасьці ў Аўдзееўцы і на захад ад Бахмуту.
ГЛЯДЗІЦЕ ТАКСАМА: Прэзыдэнт Украіны сьледам за галоўнакамандуючым Узброеных сіл зьмяніў начальніка Генштабу ГЛЯДЗІЦЕ ТАКСАМА: Аляксандар Сырскі: 10 фактаў пра новага галоўнакамандуючага Ўзброенымі сіламі Ўкраіны